Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию
1925 чылдың август 31-де үнүп эгелээн
Кызыл
26 сентября, пн

Хаттыг, изиг хүннерде от-биле оваарымчалыг болур

9 сентября 2022
2

Сентябрь 7-де республиканыӊ девискээринге өртке удур онза чурумну чарлаан дээрзин Тываныӊ Чазааныӊ 563 дугаарлыг доктаалында айыткан.

Изиг кааӊ «куяк чайы»-биле капсырлаштыр күштүг хаттыг хүннер өрт-биле холбашкан дүвүренчиг байдалды тургускан. Республиканыӊ 721,9 гектар арга-арыгларында 18 аӊгы улуг өрттерниӊ хенертен өөскүп үнгениниӊ бир чылдагааны – агаар-бойдус, а өскези – каттаан, тооруктаан кижилерниӊ от-биле оваарымча чок болганы деп түӊнелди үндүрген.

Чөөн-Хемчик кожуунда 238 га черде хып турар өрттер суурларга айыыл тургуспайн турар. Өртке удур федералдыг албанныӊ болгаш кожуун чагыргаларыныӊ деми-биле Бажыӊ-Алаак биле Кур-Чер суурларныӊ чоогунда хову өрттерин өжүрген.

Гидрометереология төвүнүӊ медээзи-биле алырга, бо хүннерде чамдык черлерге хаттыӊ күжү секундада 26 метр хире чедип болур. Ынчангаш Кызыл кожуунга 5-ки класстыӊ, а сес кожуунга 4-кү класстыӊ өрт айыылдыг онза байдалы тургустунган.

Оран-таӊдыга муӊ-муӊ чылдар иштинде өзүп келген үнүштерниӊ, ыяштарныӊ серемчилел чок кижиниӊ буруузу-биле карак чивеш аразында өрттенип хуюкталып турары харааданчыг.

Тус-тус албан ерлериниң чылдыӊ-на чорудуп келген профилактиктиг тайылбыр ажылдарыныӊ кол ужур-утказын уижи бүрүзү утпаза чогуур. Ылаӊгыя өртке удур онза чурум чарлаан үеде арга-эзимнерже чадаг-даа, машина-балгаттыг-даа кирбес, ажык черге от-көс салып, одагланып болбас, одар-белчиирлерге кургаг сиген, бажыӊ, кажаа, тудуг, херим, сарай чоогунга бок-сүрээ өрттетпес. Үстүнде шыӊгыы негелделерни сагываан, тооп көрбээн таварылгада, административтиг торгаалга онаажыр.

Өртке удур онза чурумнуӊ негелделерин үрээни дээш, торгаалдыӊ хемчээлин өстүрген. Бо чурумну сагывайн барган кижиге РФ-тиӊ административтиг эрге-хоойлу хажыдар чоруктар дугайында дүрүмүнүӊ 20.4 чүүлүнүӊ 2-ги кезээ-биле 10 - 20 муӊ хире рубль хемчэээлдиг торгаалды төледип болур.

От болгаш кывыычал материалдар-биле оваарымчалыг болуӊар!

Р.Демчик