Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию
1925 чылдың август 31-де үнүп эгелээн
Кызыл
09 августа, вт

Ховуга инектер оъттазын.

7 июля 2022
9

Тываның улустуң артизи Люндуп Солун-оолдуң адын төрээн чурту Бай-Тайга кожууннуң төвү – Тээли суурнуң төп кудумчузунга тыпсып, кожууннуң төөгүзүнге мөңгеде арттыраалыңар, хүндүлүг бай-тайгажылар. Тээли суурнуң 90 чылынга тураскаадып, Степная кудумчузун хүндүлүг чаңгыс чер-чурттуувустуң ады-биле эде адаза деп бодалым илереттим.

Бо дээрге Тээли суурнуң архитектурлуг аян-шинчизинче, овур-хевиринче, харын-даа Бай-Тайга кожуунувустуң төөгүзүнче ханы, кол кичээнгей, сагыш салбайн турарывыстың көскү бадыткалы, чижээ, бо-дур.

Бай-Тайга кымның чуртул деп айтырыгны бүгү чонга таныштырар ужурлуг бис. Бистиң Бай-Тайга кожуунувустуң кудумчуларынга аттар тыпсып, төөгүвүске арттырып болур ат-сураглыг чаңгыс чер-чурттугларывыс хөй-ле болгай. Оларның бирээзи – Россияның база Тываның улустуң артизи Люндуп Солун-оол. Тыва национал театрның «алдын фондузунче» ады киир бижиттинген, бүгү тыва чоннуң чоргааралын, хүндүткелин бодунуң салым-чаяанныг уран талантызы-биле чаалап алган.

Тээлиниң Степная кудумчузунда шупту өөредилге-кижизидилге угланыышкынныг албан-организациялар турар: Х.К. Тойбухаа аттыг чурулга школазы, Дамба Хүреш-оол аттыг уругларның уран чүүл школазы, чаа туттунган «Белек» уруглар сады, кожууннуң өөредилге-бүдүрүлге комбинады.

Бичии чаштарга төрээн суурунга ынакшылды, чоргааралды, ооң төөгүзүнче сонуургалын оттурар, өөредир, билиндирер ужурлуг бис. Ховуга хөй хой-өшкү, инектер одарлазын, а Люндуп Солун-оол кудумчузунга келир үениң хөй талантылыг, салым-чаяанныг оолдар, кыстары өөренип, кижизиттинер-ле болзун деп йөрээдим.

Седип-оол ИРГИТ.

Бай-Тайга кожуун, Тээли суур.

Чурукту интернет четкизинден алган.