Июль 8-те Бүгү-российжи өг-бүле хүнүнде «Совет Тываныӊ 5 чылы» стадионга өг-бүлелер спартакиадазы болуп эрткен. Спартакиадага 5 команда киришкен.
Кызыл хоорайдан Чесноковтарның өг-бүлези спартакиадага киржир дээш, бир дугаар бүрүткелди эрткен. Кызылдың 7 дугаар школазының 3-кү клазының өөреникчизи Иван ачазы Юрий, авазы Наталья-биле өг-бүлелер спартакиадазында киржип келгеннер. Өг-бүле командазының капитаны — Иван Чесноков.
Спартакиаданың бир киржикчи командазы – «Хураганнар». Тес-Хемден Василий, Алдын-Чаш Хураганнар ажы-төлү Доржу, Айсмануур база Авырга-биле келгеннер. Улуг оглу Доржу ГТО нормазын дужаары ол. Бичии чаш Авырга чүгле аарыкчылап келген.
Спортчу өг-бүле 5 команданың эң-не тергииннери илерээн. Түңнелинде, «Хураганнар» өг-бүле командазы тергиидээш, алдын медальдарны, хүндүлел бижиктерни чаалап алган.
Бии-Хем кожуундан келген Анатолий, Орлана уруу Аделина Күжүгеттерниң «Арзылаң» командазы эң-не кашпагайын көргүскеш, ийиги черни алганнар.
Үшкү черге Кызылдан «Спорт» командазы төлептиг болган. Айдың, Тайгана Монгуштар 2 дугаар школаның өөреникчизи 8 харлыг уруу Евгения-биле спортчу мөөрейге идепкейин көргүскен.
Шупту командаларга спорт садыындан бараан садып алыр сертификаттарны тывыскан.
Мерген Кыргыс.
