Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

Ийи чагаа

28 января 2024
20

1

Калбак ховаа орай кежээ
Хараганнар аразынга
Улчуп чоруур чиргилчин дег,
Уйгумга сен кирер-дир сен.

Чылыг хүнүм алдыны дег,
Чырык айым мөңгүнү дег,
Дүжүмге сен чуруттунуп,
Дүннү өттүр төөредир сен.

Сирень частып келген-дир деп,
Хырааланган соңгаларым
Шилдеринден хүлүмзүрүп,
Кызыдыр-ла мегелээр сен.

Оттуп кээр мен, туман, шаң дег,
Опчок меге эсти бээр-дир.
Соңгам шилин угулзалаан
Соок чывар каттырар-дыр.

2
Маңган харга хөмдүрүпкен
Бажыңым ээн, сандаргай-дыр.
Хаая-хаая дүвүлүг хат
Хаалгам соктап, сыгырар-дыр.

Вижайда ам час дүжүп,
Вишнялар чечектелип,
Айлаң-куштар эртен-кежээ
Аян тудуп турар-ла боор.

Чалгаарааш, шак бо өйде
Сактып бодаар чүвең-даа чок.
Аргыттынар дүктер дыдып,
Аргаланып орар боор сен.

Менде чүү боор, мынчалдыр-ла
Байыыргаптар чүвем-даа чок.
Бачым ишке хүнүм үдеп,
Менди-чаагай олур-ла мен.

Чажыргаш чоор, амга чедир
Аккыр хавааң кичигелээн
Алдын күс дег суук чажың
Сагыжымдан ыравас-тыр.

Катап меңээ чедип кел деп
Чаннып, дилеп шыдавас мен.
Шак бо чагаам чорудупкаш,
Харыызын-даа манавас мен.

Кады чораан үевис-даа
Канчап биске уттундурар.
Хайыралыг ынакшыл деп
Кайывыс-даа бодаар-ла бис.

Чуртувустуң ийи өске
Чурумалдыг черлеринде
Амыдырал-чуртталгавыс
Аңгы болуп төнер-ле боор.

Сээң хууңга ынчангаш мен
Сеткилимниң ханызындан
Чыргал-дыштыг болуруңну
Шыны-биле күзеп ор мен.

Вижайда ам час-даа дүшкен,
Бистиинде час озалдаан-дыр...

* * *
Сөөлгү дүннү сактып артар, ол-ла ыйнаан.
Сөглексээниң тө каап бердиң, дыңнадым-на.
Эштип алган чуга тонуң эдээ эстеп,
Эргиниңден мени үдеп артып калдың.

Чырык соңгаң херелдерин имирерткен
Шыпшың долган дүмбейдиве шымнып ора:
“Чылыг хеп чок соокка турба”, диген сөзүм
Сырын өскээр алгаш барды. Шимчеведиң.

Роман ЛУДУП.
«Шын» №6 2024 чылдың январь 27