2023 чылдың август 30-де Шагаан-Арыг хоорайга «Демография» национал төлевилелдиң деткимчези-биле социал керээ программазының ачызында «ART-DESING» дизайн студиязы ажыттынган. Ук төлевилелдиң автору Алимаа Доңгак.
2022 чылдың август төнчүзүнде Шагаан-Арыг хоорайның чурттакчызы Алимаа Доңгак 350 муң рубль деткимчени бодунуң хууда ажыл-херээн эгелээри-биле күрүнеден алган. Чаа ажыдып турар бизнезиниң ажыл-агыйынга ажыглаар хөй функциялыг парлаар принтер, сканер, аяк-шынакка, идик-хепке чуруур херекселдиг аппарат, саазындан, ыяштан болгаш демирден кылган чүүлдерге лазерь-биле янзы-бүрү чуруктар, бижиктер сиилбиир херекселдерни бизнес-план езугаар Алимаа Доңгак садып алган.
База бир хамааты күрүне деткимчезин алгаш, күзелин бүдүрген.
Улуг-Хем кожууннуң чагырга чериниң медээлеринден А.ОНДАР белеткээн.
Чурукту интернет четкизинден алган.
"Шын" №65, 2023 чылдың сентябрь 2.