«Чаӊгыс демниг Россия» партиязыныӊ депутаттары Бежен-оол Торуш, Сергей Белоусов, Аяс Лопсан Кызыл хоорайныӊ уруглар бажыӊында чаштарынга амданныг чаагай чигир-чимисти, чылыг идик-хепти белек кылдыр чедирип берген.
Чаа чыл – шупту улустуӊ, ылаӊгыя амыдыралы берге байдалга таварышкан уругларныӊ четтикпейн манаар байырлалы. Бичии улустуӊ күзелдери аӊгы-аӊгы. Ынчалза-даа шупту кижилерге чугула чүүл дөмей болур. Ол дээрге сеткилинден сагыш човап, кичээнгей салыры-дыр. Чаштарга эӊ-не эргежок чугула херек чүүл – сагыш-сеткилиниӊ эки хөөннүг болуру дээрзин депутаттар демдеглээн.
Р.Демчик белеткээн.
