Хөй ажы-төлдүг ие, “Альянс” кафезиниң повары Тайгана Монгуш “Чедиишкинниг ава – Россияның чөленгиижи” деп хөй ажы-төлдүг иелерниң I-ги регионнар аразында следунга киржип, ону эрттиришкеш, Тыва Республиканың Дээди Хуралының, Бурят Республиканың “Дари” деп регионалдыг хөй-ниити организациязының өөрүп четтириишкинниг бижиктери-биле шаңнаткан.
Тывадан дашкаар черге бо ажыл-хемчеглерниң иштинге чоруттунган Өг-бүле, ынакшыл болгаш шынчы чорук хүнүнге тураскааткан спортчу маргылдааларга Айдың биле Тайгана Моңгуштарның “Спорт” өг-бүле командазы шыырак белеткелин көргүзүп, хүлер медальга төлептиг болган. Аныяк, ынчалза-даа хөй ажы-төлдүг бо өг-бүлениң дугайында социал четкиде капсырылгада чүүл үнген. Оон кыска үзүндү:
“Маргылдааның чуруму езугаар аңаа өг-бүлениң кызырган составы киришкен. Херек кырында алыр чүве болза, Кызылдан келген Монгуштарның өг-бүлези хол бөмбүүнге-даа, баскетболга-даа долу составтыг команданы салып болур шинектиг. Бут бөмбүүнге харын үш ойнакчы чедишпес, ынчалза-даа келир өйде ону эдип ап болур-ла болгай.
Хөй ажы-төлдүг Монгуштарның өг-бүлезиниң кежигүннери-биле таныжаалыңар: ада-иези – Айдың, Тайгана Моңгуштар. Уруглары – Джоний (14 харлыг), Дарья (13 х), Даяна (10 х), Евгения (8 х), Дима (6 харлыг)”.
“Шын” солуннуң номчукчуларының өмүнээзинден хөй ажы-төлдүг, амыдыралдың кадык овур-хевирин сагып чоруур спортчу өг-бүлеге моон-даа соңгаар чайынналчак чедиишкиннерни күзеп каалыңар.
/ Артур ХЕРТЕК.
Чуруктарны Монгуштарның архивинден алган.
