Тываның кызыгаарында чыдар кожууннарның чурттакчыларын РФ-тиң күрүне кызыгаарын хайгаараарынга киржир кылдыр хаара тудары көрдүнген. Республиканың Чазаа ол ажылды организастаар дээш, күрүне кызыгаарын камгалаар эки турачы улусчу дружиналарның регион штавын тургузар дугайында шиитпирни хүлээп алган. Россияның Федералдыг айыыл чок албанының Тывада Кызыгаар эргелели-биле кады ол ажылды чорудар.
Тыва Республиканың Чазааның Даргазының оралакчыларының бирээзи бадылаттынган чурумга даянгаш, регион штавын удуртуп-башкарар. Кызыгаар девискээринде кирип турар 5 муниципалдыг тургузуг – Мөңгүн-Тайга, Өвүр, Тес-Хем, Тере-Хөл база Эрзин кожууннарга ындыг штабтарны хевирлеп тургузар.
Күрүне кызыгаарында шуут чыпшыр чыдар 15 суурга – Мөген-Бүрен, Каргы, Саглы, Хандагайты, Солчур, Дус-Даг, Чаа-Суур, Ак-Чыраа, О-Шынаа, Берт-Даг, Ак-Эрик, Ү-Шынаа, Нарын, Качык база Шынаа суурларга бештен эвээш эвес кижилиг дружиналарны ажылдадыр. Дружинниктер кызыгааржылар-биле хайгыыл чорудар дежурныйлаашкынче үнер.
ТР-ниң Чазааның парлалга албаны.