Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию
1925 чылдың август 31-де үнүп эгелээн
Кызыл
09 августа, вт

Маадырның кызы

15 июля 2022
14

Бо хүн, июль 15-те, Россияның Маадыры Мерген Донгактың өг-бүлезинге бир өөрүнчүг болуушкун болган — Республиканың Перинаталдыг төвүнден Маадырның бичии кызын байырлыг байдалга үндүр бижээн.

Чоокта чаа Мерген Донгакка Донецк болгаш Луганск Улус республикаларны камгалаар сорулгалыг чоруттунуп турар тускай шериг операциязының үезинде көргүскен эрес-дидим болгаш маадырлыг чоруу дээш Россияның Президентизиниң айтыышкыны-биле ‘’Россияның Маадыры’’ атты тывысканын сагындыраал.

Россияның Маадырынга бичии кызы ийи дугаар улуг белек болган. Донгактарның бир дугаар кызы 3,415 килограмм, узуну 51 сантиметр кадык чаагай төрүттүнген. «Дыка өөрүп тур мен. Өөм ишти Людмила Михайловнага меңээ кыс уругну чаяап бергени дээш четтиргеним илередир-дир мен. Уруумга ат боданып тур бис. Ам бодунда 2 ат бар, кайы-бирээзин шилиир бис» – деп, Мерген Очур-оолович өөрүшкүзүн илеретти.

Иешкилерни эмнелгеден үндүрүп келген чоок кижилериниң, дөргүл-төрелдериниң аразында Мерген Очур-ооловичиниң авазы база келген. Светлана Очур-ооловнаның 11 дугаар уйнуу төрүттүнгени бо. «Мерген дөрт ажы-төлүмнүң үш дугаары-дыр. Ам бирээ кыс уйнуктуг болганымга дыка өөрүп тур мен. Кол-ла чүүл – ажы-төлүм каң кадык-ла өзер болзун» – деп, кырган-ава сагыш човап чугаалады.

Россияның Маадырынга Республиканың Медицина палатазының төлээлери база байыр чедирип келген. Тываның чүрек-дамыр аарыгларын кезип эмнээр эмчизи Росси Күжүгет: «Бистиң чаңгыс чер-чурттуувус, Россияның Маадыры Мерген Донгакка уруглуг болганы дээш Тыва Республиканың эмчилер каттыжылгазының мурнундан байыр чедирип тур бис. Уруг төрүттүнери дээрге төөгүлүг, аас-кежиктиг болуушкун-дур. Бөгүн Россияның Маадырын көрүп, ооң холун тудуп, байыр чедирер аас-кежиктиг болдувус. Бис ол дээш аажок чоргаарланып тур бис. Каң кадык, чараш, ачазынга дөмей өпеяаны көрдүвүс. Келир үеде ачазы ышкаш ат-алдарлыг, Тываның бир төлептиг кызы, харын-даа эмчи болурун күзээр-дир бис».

Алдынай АРАКЧАА.

Мария СААЯНЫҢ тырттырган чуруу.