Бөгүн, Тыва Республика хүнүнде, Анчымаа Суваковна Дамдын-оол «Тыва Республиканың көдээ ажыл-агыйының алдарлыг ажылдакчызы» деп хүндүлүг атка төлептиг болган. Малчынга күрүне шаңналын Тываның Баштыңы Владислав Ховалыг тывыскан.
Анчымаа Суваковна өөнүң ээзи Кошкар-оол Түлүшевич Дамдын-оол-биле өг-бүле туткаш-ла, бо хүнге чедир малчыннап чоруурлар. «Улуг-Хем кожууннуң Арыг-Үзүүнге «25 чыл» совхозка малчыннап эгелээн бис. Амгы үеде арат-фермер ажыл-агыйывысты сайзырадып, Даштыг-Хову деп черде мал-маганывысты тудуп турар бис. Мынча үр үелер иштинде ажылдап келгенивис түңнелинде, чазак-чагыргавыс бисти шаңнал-биле үнелеп турарынга өөрүп тур мен» — деп, хоочун малчын өөрүшкүзүн илереткен.
Бистиң корр.
