Тываның Чазаанга Украинада тускайлаттынган шериг операциязының киржикчилеринге Эрес-дидим чоруктуң орденнерин болгаш «Эрес-дидим чоруу дээш» деп медальдарны тывыскан.
Тыва Республиканың Чазаанга тускайлаттынган шериг операциязының үезинде Донбасстың хосталгазы дээш тулчуушкунга шылгараан Росгвардияның ажылдакчыларын байырлыг байдалга уткаан. Күрүне шаңналдарын Тыва Республиканың Чазааның Даргазының оралакчызы Тимур Куулар биле ТР-ниң Дээди Хуралының (Парламентизиниң) Даргазы Каң-оол Даваа тывыскан.
Байырлыг хемчегге тускайлаттынган операцияның киржикчилериниң чоок кижилери, күш структураларының, хөй-ниити организацияларының төлээлери киришкен. Байырлыг хуралга амы-тынын бодавайн, албан-хүлээлгезин эрес-дидим күүсеткен онза даалга отрядтарының 13 ажылдакчыларынга Эрес-дидим чоруктуң орденнерин болгаш «Эрес-дидим чоруу дээш» деп медальдарны тывыскан.
«Шаңнал чүгле мээңии эвес. Ол бүгү шериг кезээнии-дир. Кым мээң-биле бо бүгү үе дургузунда чурттакчы чоннуң эрге-ажыын камгалап чорааныл, шаңнал ооңуу. Ол ышкаш шаңнал амгы үеде бистиң аравыста чок эштеривистии-дир. Россияның тускайлаттынган операциязы бодунуң сорулгазын чедип алыр дээрзинге бүзүрелим улуг» - деп, тус черниң Росгвардия органының ажылдакчыларының бирээзи чугаалаан.
Тыва Республикада Росгвардия эргелелиниң парлалга албанының медээлеринден.
Медальдарны тывыскан.
28 августа 2022
30