Тыва Республиканың малчыннар Наадымының хүреш маргылдаазынга Улуг-Хем кожуундан Тываның Арзылаң мөгези Айдың Моңгуш шүүлгеш, Тываның Чаан мөгези спортчу атты чаалап алгаш, 500 муң рубль акша-биле шаңнаткан.
Сүт-Хөл кожуундан Начын мөге Начын-Мерген Ооржак үжүүрлешкеш, 250 муң рубль акша-биле шаңнаткан. Тываның эң күштүг мөгелеринге шаңналдарны Тываның Баштыңы Владислав Ховалыг тывыскан.
Эң шыырак сес мөгелерге база акша шаңналдарын тывыскан.
Эң чараш девээн, эң чараш арганы ажыглаан мөгелер тускай шаңналдарга төлептиг болганнар.
Шаңгыр-оол Моңгуш.
https://youtu.be/CiheK3mqgTw
