Найысылалдың сесерликтерин аштап-арыглаан

Час дүшкени-биле мэрияның ажылдакчылары Кызыл хоорайның сесерликтеринде болгаш парктарында ыяштарның кургаан будуктарын кезер, ыяштар олуртур, үрелген урналар септээр болгаш чырыдылгазын чаартыр ажылдарга киришкен.

Дыка улуг ажылдар кылдынганын найысылалдың мэриязы дыңнадып турар. «Московский» сесерлиин аштап-арыглаан, ам Аныяктар парыгында болгаш чадаг-терге оруунда арыглаашкын ажылдары чоруп турар. Ол ышкаш Рушевтерниң өг-бүлезиниң сесерлиин, Спутник микрорайонун база аштап-арыглаар.

Оон аңгыда автобустар доктаамнарының байдалын база хынаар, ылаңгыя чурттакчы чондан эң-не хөй хомудалдар кээп турар Вавилин ээтпээнде микрорайонче улуг кичээнгейни салыр.

Кызыл хоорай мэриязының парлалга албанының медээзинден.

#Кызылхоорай #Субботниктер #Мэрия #Арыгхоорай #Шынсолун #Тывадыл