Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

Ойнаарактар театрын эде чаартыр

25 октября 2023
14
Октябрьның 20-де, РФ-тиң Чазааның даргазы Михаил Мишустин аныяк көрүкчүлер болгаш ойнаарактар театрларының эде чаартылгазын база бүрүн септелгезин доозарынга акша-хөреңгини тускайлаар дугайында айтыышкынга атты салган. Ол сорулгага немелде акшаландырыышкын бээр 11 регионнуң санынче Тыва Республика кирген. Документиде көрдүнгени-биле алырга, республика ойнаарактар театрының эде чаартылгазынче 2024 чылда 230 сая рубльди алыр.


Тываның Баштыңы Владислав Ховалыг бодунуң блогунда, республиканың ойнаарактар театрының оран-савазын чаартыр айтырыгны Россияның Культура яамызы-биле элээн үеде ажылдааш, чаартылга ажылдарының күрүне экспертизазынга төлевилел-санаашкын документилерин ведомство-биле дугуржуп алганын дыңнаткан. Регионнуң удуртукчузу чаартынган оран-саваже аныяк көрүкчүлер театрын көжүрүп киирер планныын чугаалаан:

— Комплекс уругларга езулуг чогаадыкчы төп болу бээр. Ынчангаш чаартынган тудугже ойнаарактар театрының бодундан өскеде, аныяк көрүкчүлер театры көжүп кирер – деп, Владислав Ховалыг бодунуң блогунда бижээн.

2013 чылда Тыва Республиканың Чазаа Тываның ойнаарактар театрын тургузар шиитпирни үндүрген. Ярославльдың база Москваның доозукчулары, ойнаар-кыстар башкарар мергежилдиг 13 артист бирги профессионал ойнаарактар театрын үндезилеп тургусканнар. Ойнаарактар театрының оюн көргүзүүн, бирги ээлчегде, бичии уруглар үнелеп, амгы үеде баар эң ынак чери болу берген.

Ойнаарактар театры республиканың Национал театрының чогаадыкчы-бүдүрүлге мастерскаязында бактааттынып, амгы үениң негелделеринге дүүшпейн турар.

Амгы оран-савада сценаны интеллектуалдыг системалар-биле башкарар кылдыр эде чаартып, бедик технологиялыг аянныг театр комплекизи кылдыр эде тудар деп, республиканың Культура яамызы сонуургаткан. Аңаа 200 кижини хары угда хүлээп алыр ийи көрүкчүлер залы турар. Театрның даштыкы овур-хевирин этниктиг ылгавыр демдектерлиг боорда, амгы үениң архитектуразы-биле сиилбээн ак-көк шилден ансамбль каастаар.

ТР-ниң Чазааның парлалга албаны.