Бо байырлал улуг назылыг чонувуска хумагалыг болуп, олар дээш сагыш човап чоруурувусту сагындырып турар. Ол хөй-хөй чылдар дургузунда эки-бакты, чаарттылгаларны, өскерлиишкиннерни чурттап эрткен улуг назылыг кижилеривистиң байырлалы. Республикавыстың сайзыралынга, янзы-бүрү адырларның ажыл-ижинге, ниитилелге үлүг-хуузун олар кииргеннер. Ынчангаш оларга мерген угааны, шыдамык чоруу болгаш идепкейжи чоруу, өзүп олурар салгалдарга болгаш аныяктарга үлегер-чижек болуп, дузалажып чорууру дээш өөрүп четтиргенивис илередип тур бис.
Хүндүлүг, кырган-аваларывыс болгаш кырган-ачаларывыс! Силер ёзулуг төөгүнүң кадагалакчылары-дыр силер. Силер бүгүдениң төөгүзү дээрге-ле салгалдар аразында көвүрүг-дүр. Силер бисти күштүг, буянныг болгаш шыдамык болурунга база хөй-ле чүүлдерге өөредип турар силер. Хүн бүрүде өөрүшкүнү, чоок кижилериңер-биле араңарда эптиг-демниг, найыралдыг харылзааны, ынакшылды, быжыг кадыкшылды күзедивис.
Чурукту интернет четкизинден алган: yandex.ru/images/sea...