Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

Орус культура фестивалы эгелээн.

20 августа 2022
29

Август 19 – 20 хүннеринде Россияның чоннарының культурлуг өнчүзүнүң чылынга тураскааткан Орус культура фестивалы эгелээн. Ук фестивальды ТР-ниң Культура болгаш туризм яамызының деткимчези-биле Тываның Орус культура төвү органи- застап турар. Ооң кол сорулгазы – орус культураны нептередири болгаш кадагалап артырары, дамчыдары.

Найысылал Кызылда Национал парктың аңгы-аңгы шөлдеринге спортчу командалыг оюннар, семинарлар, мастер-класстар, делгелге-ярмаркалар, ыры болгаш шүлүк мөөрейлери, ол ышкаш Красноярск крайдан келген аалчыларның биче-концерти болур.

Фестивальдың киржикчилериниң аразында республиканың кожуун, хоорайларындан (Бии-Хем, Таңды, Чөөн-Хемчик, Каа-Хем, Улуг-Хем, Чеди-Хөл, Кызыл кожууннар, Ак-Довурак биле Кызыл хоорай) 70 төлээ киржип турар.

Ол ышкаш бистиң республикага Красноярск крайдан «Шелковница» фолк-бөлүк (Бородино районнуң Бородино суурдан), «Ирбинушка» улустуң ыры ансамбли болгаш солист Ксения Красильникова (Курагино районнуң Улуг Ирба чаагайжыттынган суурдан) келген.

Ийи хонуктуң дургузунда Национал парктың девискээринге аңгы-аңгы шөлчүгештер ажылдаар: ажы-төлдүг өг-бүлелерни мастер-класстарже болгаш аниматорларлыг оюннарже чалап турар.

Аныяктар «Хүреш» стадионунуң чанынга спортчу оюннарга киржип болур.

Уран номчулгага болгаш орус литературага ынактарны «Дириг сөс» мөөрейинге киржиринче чалап турар.

Парктың кол сценазынга ийи хонук дургузунда фестивальдың киржикчилериниң болгаш аалчыларының киржилгези-биле орус ырылар чаңгыланыр.

Август 20-де, фестивальдың сөөлгү хүнүнде, Национал парктың кол сценазынга, кежээ 19.00 шакта мөөрейлерниң тиилекчилериниң киржилгези-биле фестивальды байырлыг байдалга доозар.

Шак-ла мындыг хемчеглер орус культураны кадагалаар талазынче угланган культурлуг каттыжылгаларның ажыл-чорудулгазын идепкейжидер, этниктиг харылзаалар аразын быжыктырар.

Бистиң корр.

Ада Тюлюштуң тырттырган чуруктары.