Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию
1925 чылдың август 31-де үнүп эгелээн
Кызыл
26 сентября, пн

Өөредилге-биле чергелештир халдавырлыг аарыгдан камгалалды күштелдирер.

3 сентября 2022
4

Росхереглелхайгааралдың Тывада эргелелиниң болгаш ТР-ниң Кадык камгалал яамызының дыңнадып турары-биле, август айның дургузунда Тывада коронавирус халдавырлыг аарыгдан аараан улустуң саны көвүдээн.

Сентябрь ай үнүп, школаларда амыдырал хайнып эгелээнде, COVID-19 халдавырлыг аарыгдан оваарнырын сагындырып каары чугула. Өөредилге-биле чергелештир халдавырлыг аарыгның өөскүй бээриниң айыылы бар. Аарыг-аржык нептереп турар үеде, хөй улус чыылган өөредилге черлеринге шын алдынарынга хамаарышкан сагындырыглар:

1 метр дистанцияны сагыыры. Класстарга уругларның парталарының аразын 1 метрден чоокшулатпас. Өөредилге черлеринге чунар-демирлерни тургузар. Холдуң арты-иштин экидир саваңнап чуур. 60-дан эвээш эвес хуулуг спирттен тургустунган дезинфекцияланыр чүүлдер школага ыяап турар ужурлуг.

Чөдүрерде, азырарда аасты азы думчукту шенээ-биле дуй тудар дугайында уругларга өөредир. Азырыпкан азы чөдүрүпкен болза, ол-ла дораан холду саваңнап чуур азы антисептик-биле аштаар. Бир эвес салфеткаже азы думчук аржыылынче чөдүрүпкен азы азырыпкан болза, ажыглаан салфетканы ол-ла дораан бокче октаптар, думчук аржыылын ол-ла дораан саваңнап чуур. Холду удаа-дараа саваңнап чуурунга чаңчыгар.

Арыг-даа, хирлиг-даа холу-биле каракка, думчукка, аскынга дээп болбас деп уругларга өөредир. Мага-боттуң ол кезектеринден микробтар холче дамчый бергеш, улаштыр бүдүн классче шилчий берип болур магадылал улуг. Чок болза холдардан карак, думчук, аас таварыштыр микроб мага-ботче кире берип болур.

Антисептиктерни класс бүрүзүнге, үнер-кирер эжиктер аскынга, чемненир, арыгланыр черлерге тургузар. Кедип каапкан эрги масканы дораан бокче октаарының дугайында уругларга өөредиңер.
Башкылар болгаш өске-даа ажылчыннар маска чок ажылдавас ужурлуг. А уругларның маска кедери албан эвес. Чүгле ада-иезиниң чагыы-биле кедирип болур. Ынчангаш бир эвес ажы-төлүнүң кадыкшылы дээш сагыш човаар болза, хөй улус чыылган черлерге маска кедериниң дугайында ажы-төлүнге чагып, сургаарын ада-иеге сагындырар.

Уругларның өөренир класстарын арыг-силигге тудуп, дезинфекциялаары, агаарладыры база кончуг чугула. Школа бүрүзүнге уруглар эртен эрте өөренип кээрге, эъдиниң изиин хынаар. Бир эвес эъди изиксеп турар болза, уругну дораан дедир чандырыптар.

/ А.ОНДАР.

false
false
false