Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию
1925 чылдың август 31-де үнүп эгелээн
Кызыл
26 сентября, пн

РФ-тиң культура сайыды-биле ужурашкан.

20 августа 2022
1

РФ-тиң культура сайыдының оралакчызы Владимир Осинцев Тывага чаңгыс хүн сургакчылап кээп чораан. Федералдыг албан чериниң төлээзи Кызылда элээн каш культура объектилерин кезип көргеш, дараазында «Культура» национал төлевилелдиң акшаландырыышкыны-биле туттунуп эгелээн тудугларда ажылдар-биле танышкан. Оон аңгыда найысылалдан келген аалчыга «Сорунза» деп губернатор төлевилели ёзугаар республика бодунуң күжү-биле база культура объектилерин тудуп турарын дыңнаткан.

Тываның Баштыңы Владислав Ховалыг-биле ужуражылга үезинде чугула дугуржулгаларны чарган. Ооң иштинде бо чылын Кызылдың культурлуг хөгжүлдезиниң төвүнүң тудуунуң акшаландырыышкынын көвүдедир талазы-биле айтырыгны шиитпирлээн. Владимир Осинцев ол тудугда ажылдарның чорудулгазы планда көрдүнгенинден мурнап чоруп орарынга таарзынганын демдеглээн. Ол ышкаш Тываның күрүне филармониязының оран-савазын чаартырының дугайында айтырыгны сайгарып чугаалашкан. Ол ажылдарны федералдыг, инвестициялыг программаже киирерин дугурушкан.

Оон аңгыда Тываның күрүнениң ойнаар-кыстар театрының оран-савазын база эде кылыр дугайында чугаалашкан. Культура сайыдының оралакчызын Кызылга делегей чергелиг «Хөөмей» академиязының тудуунуң төлевилели-биле база таныштырган.

«Делегей чергелиг «Хөөмей» академиязы» ТР-ниң күрүнениң бюджеттиг албан чери Тывада 1993 чылдан эгелеп ажылдап турар. Академия Тыва үндезин культура төвүнүң оран-савазында 120 дөрбелчин метр шөлдү эжелеп турар. Бөгүн академия өөредилге, билиг бедидериниң курстарын эрттирип эгелээн. Аңгы-аңгы чурттарның хөгжүмчүлеринге хөөмейниң хевирлерин билдингир тыва хөөмейжилерниң киржилгези-биле онлайн хевирге өөредирин планнап турарлар. Тывага бүгү делегейге бир дугаар бурунгу уран чүүл – хөөмей школазы ажыттынар.

Республиканың парлалга чепсектери-биле интервьюзунда Владимир Осинцев Тываның Чазааның культура адырында чедимчелиг ажылдап турарын демдеглээн:

«Тываның Чазаа республиканың культура адырынче улуг кичээнгейни салып турары өөрүнчүг-дүр. Бодувустуң талавыстан база республикага идепкейлиг дузалажыр бис».

Ш. ОНДАР.