Хүндүлүг массалыг информация чепсектериниң ажылдакчылары болгаш хоочуннары! Российжи парлалга хүнү – профессионал байырлалыңар-биле сеткилдиң ханызындан байыр чедириишкинин хүлээп ап көрүңер!
Массалыг информация чепсектери амгы бо үеде, ниитилелдиң угаан-сарыылынче улуг салдарны чедирип, делегейже, үнелиг чүүлдерже база хамааты турушче көрүштү хевирлеп турар. Бистиң чуртувустуң келир үезин бодунуң ажыл-херээ-биле хевирлээр ужурлуг аныяктар ажылынга силерниң ролюңар кончуг улуг. Ол чүүл журналист мергежилге немелде шылгалданы тургузуп, ажылын оон-даа харыысалгалыг болгаш чугула болдуруп турар.
Бөгүн, Россия Федерациязынга бо берге үеде, даштыкы болгаш иштики дайзыннар ниитилелди божаңнадып, төөгүвүстү өскертип, амгы үениң болуушкуннарын шын эвес көргүзерин оралдажып турда, силерниң күш-ажылыңарның ужур-утказы каш катап улгаткан. Ада-чурт журналистериниң профессионал хүлээлгези – алыс шынның бүзүрелдиг дамчыдыкчылары болур, чаңчылчаан үнелиг чүүлдерни, Төрээн чуртунга ынакшылды болгаш национал хөгжүлде сорулгаларын чедип алыры-биле Россияның хамаатыларын каттыштырып турар.
Силерниң ажылыңар бедик мергежилди, хамааты эрес-дидим болгаш ёзулуг патриотчу чорукту негеп турар. Сибирьниң журналистери ажылынга бердингени, төрээн черинге, ооң чурттакчыларынга, ниитизи-биле чурттуң салым-чолу дээш сагыш-човаашкыны-биле ылгалып турар. Массалыг информация чепсектериниң ажылдакчылары кижилерге дузалажырын кызыдып, парлалга сөзүнүң күжү-биле эрге-чагырга органнарының, бизнестиң болгаш хөй-ниити организацияларының төлээлериниң аразында медээчизи бооп турар.
Ылаңгыя Сибирьниң маадырлары – тускай шериг операциязының киржикчилери болгаш хоочуннарының, тылда уйгу-чыдын чок ажылдап чоруур волонтерлар дугайында шын статьяларны болгаш сюжеттерни бижип чоруур корреспондентилерге өөрүп четтиргеним илереттим. Силер шынап-ла тайбың болгаш шынчы чорук дээш демиселге идепкейлиг киржип, ниити Тиилелгени чоокшуладырынга улуг үлүг-хууңарны киирип чоруур силер.
Силерге быжыг кадыкшылды, эгээртинмес күчү-күштү, чогаадыкчы чедиишкиннерни, Ада-чуртувустуң чаагай чоруу дээш чаа-чаа профессионал чедиишкиннерни сеткилимниң ханызындан күзедим!
Байырлал-биле!
Россия Федерациязының Президентизиниң Сибирь федералдыг округда бүрүн эргелиг төлээзи Анатолий Серышев