Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

Садыг төлээлери келген

6 июля 2023
17

Кадагааты күрүнелерде Россия Федерациязының садыг төлээлериниң неделязының иштинге Тывага Азербайджан Республикада болгаш Туркменистанда садыг төлээлери Руслан Мирсаяпов биле Александр Елизаров чедип келген. Олар бүдүрүлге болгаш турисчи инфраструктураның черлеринге чедип, республиканың даштыкы экономиктиг харылзааларының шыдал-шинээ-биле, ону моон улам сайзыраңгайжыдарының талазы-биле эксперт үнелели-биле танышканнар. Чазактың бирги оралакчы даргазы Владимир Донских-биле ужуражылганың үезинде келир чылдың чазынында Ашхабад хоорайга болуп эртер бүгү-делегей чергелиг садыг делгелгезинге регионнуң киржилгезиниң айтырыгларын чугаалашкан.

Кадагааты күрүнелерде Россия Федерациязының садыг төлээлериниң неделязын бо чылын Екатеринбург хоорайга июль 8-11 хүннеринде эрттирер. Ону Россияның Үлетпүр яамызының «Иннопром» деп бүгү-делегей делгелгезиниң иштинге эрттирер. Ук неделяның иштинде кадагааты күрүнелерде Россия Федерациязының садыг төлээлери эп-найыралдыг чурттарже экспортту шургударының база даштыкы садыг харылзааларын эде углаарының айтырыгларының талазы-биле тус черлерниң бүдүрүлгелери болгаш регионнарның эрге-чагыргалары-биле кады ажылдажылганы шуудадыр сорулгалыг ажылдарны чорудар.

Садыг төлээлери даштыкы рынокче үнер дээн изиг күзелин илереткен тыва сайгарлыкчылар-биле ужуражылгадан сеткили ханып арткан. Садыг төлээзи Александр Елизаров республиканың экспортерларын чылдың-на Ашхабадка эртер албан езунуң садыг делгелгелериниң бирээзинге киржилгезин организастаарын сүмелээн. Аңаа бүгү талалыг дуза кадарынга беленин ол чагаалаан:

— Моон ажыктыг медээлер болгаш даалгалар-биле чепсегленген чоруп тур мен. Ону Садыг төлээлгезиниң черинге сайгарып көөр мен, а маңаа силерниң сайгарлыкчыларыңар болгаш бистиң кады ажылдап турар эштеривис-биле оларны сайгарып көөр бис. Хамык чүүлдер тергиин эки демдекке күүсеттинер дээрзинге бүзүрээр мен — деп, Туркменистанда Россияның садыг төлээзи чугаалаан.

Тываның даштыкы экономиктиг харылзаалар талазы-биле агентилели аалчыларга келиишкинниң байлак программазын организаастан. Ооң үезинде төлээлер республиканың индустрия болгаш агроүлетпүр парыгынга, «Вавиол», «Верба», «Восток», «Бай-Хаак» КХН-нерниң бүдүрүлге шөлдеринге, Таңды кожууннуң фермер ажыл-агыйынга, Дус-Хөл, Чедер, Чагытай хөлдерде турисчи инфраструктураның черлеринге, ТР-ниң Национал музейинге болгаш өске-даа угланыышкынныг бүдүрүлге черлериге четкен.

Бистиң корр.