Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

Сайгарлыкчылар 8600 кижи

20 мая 2023
41

Май 19-та «Енисей Экспо - 2023» делгелгезинге Тываның удуртукчузу Владислав Ховалыг сайгарлыкчылар-биле ужурашкан. Ооң чугаалап турары-биле, биче болгаш ортумак бизнесте сайгарлыкчылар саны чылдан чылче көвүдеп турар. Амгы үеде сайгарлыкчылар саны 8600 кижи четкен, ол ышкаш эрткен чылга бодаарга, 1000 хире чаа сайгарлыкчылар немешкен.


"Ужуражылгага сайгарлыкчы чорукту кадагалап арттырып алырынга база хөгжүдеринге кадрлар айтырыын хөйү-биле чугаалаштывыс. Амыдырап-чурттаарының айтырыын эвес, улуг садыглар-биле деңге адааннажып, тус черниң садып алыкчыларының хереглелин хандырарының болгаш кадрларның билиин бедидер дугайын сайгаржып көрдүвүс. Бо хүннерде «Енисей Экспо» садыг-саарылга делгелгезиниң ажылындан ону көрүп болур. Садып алыкчыларның хереглелин хандырыптар янзы-бүрү барааннарның бары эки-дир, ынчалза-даа баартактарны Тываның бүдүрген барааннары-биле долдурар херек. Боттарывыстың бүдүрген барааннарывыс бар. Олар янзы-бүрү онлайн садыглажыышкын рыноктарынче безин үнүп турар.

Күш-ажыл орулгазын суртаалдаары чугула. Социал керээлер боттуг деткимчени чедирип турар. Эрткен чылын 4 муң ажыг керээлерниң хөй кезиин сайгарлыкчы чорукту болгаш дузалал ажыл-агыйын хөгжүдеринче угландырган.

Бистиң социал адыр шак мындыг хевирлиг орулгазы эвээш хамаатыларның көргүзүглерин баш удур өөренип көргеш, ёзулуг боттуг дуза чедирери-биле күрүне программаларының чурттакчы чонга орулгазын экижидип алыр аргаларын ажылдап кылып турар” – деп, ол ужуражылганы түңнээн.

Ужуражылга соонда хөй чылдарда кызымак, ак сеткилдиг ажылы дээш сайгарлыкчыларны шаңнап-мактаар ёзулал болган. Шаңнатканнар аразында Кызылдың хлеб быжырар комбинадының чиңгине директору Вера Хертек өөрүп четтириишкин бижиин Чазак Даргазы В. Ховалыгның холундан алган. Бүдүрүлгеде 80 кижи ажылга хаара туттунган база хүнде 5 тонна чедир хлебти быжырып, республиканың бүгү садыгларынче чедирип турарын ол дыңнаткан.

«Бистиң күш-ажылывысты бедик үнелеп чорууру дээш өөрүп четтирдивис! Моон соңгаар чогуур деңнелге эки кызып, ажылдаар бис. Бүгү келген сайгарлыкчыларга тиилелгелерни болгаш белен эвес чымыштыг ажыл-ижинге чедиишкиннери күзедим» - деп, Вера Хертек чугаалаан.

/А. ДОНГАК.
Буян ООРЖАКТЫҢ тырттырган чуруктары.