Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию
1925 чылдың август 31-де үнүп эгелээн
Кызыл
16 августа, вт

Серемчиде хорамча чок.

28 июля 2022
6

Россияда COVID-19 штаммның “кентавр” деп хевири Россияда көстүп келген. Оон аараан улус халдавырлыг аарыгны чиик эртип турар болганындан стационарлыг эмнээшкин негеттинмейн турар.

Бир дугаарында, халдавырлыг аарыгның “кентавр” хевири Индияга көстүп келген. Оон улаштыр Япония, Германия, Великобритания, АКШ болгаш он-он чурттарга тараан.

“Кентавр” штаммының өске халдавырлыг аарыглардан ылгалын илередир ажыл ам-даа уламчылап турар, чоокку үеде билдинер.

Коронавирус деп халдавырлыг аарыгның бүгү хевирлери кадыкка кончуг айыылдыг дээрзин утпаза чогуур. Ынчангаш чурттакчы чон сула салдынмайн, камгалал маскаларны кедерин уламчылап, санитарлыг негелделерге чагыртып, оваарымчалыг чорууру артык эвес.

Чайгы үеде COVID-19 катап өөскүп болур

Коронавирус халдавырлыг аарыг чеже-даа суларай берген болза, чайгы үеде хенертен катап өөскүп болур айыылы бар дээрзин Росхереглелхайгааралдың Тывада эргелели база катап чонга сагындырып турар. Ынчангаш бодун болгаш чоок кижилерин бо халдавырлыг аарыгдан камгалаар дизе, дараазында бөдүүн камгалалдыг хемчеглерни сагыыры чугула:

1. Бир эвес кадыыңар байдалы шала харыксыргай, ковид дээш дужааган анализиңер эки-даа болза, долгандыр улус-биле харылзааны кызыгаарлааны дээре.

2. Аарый берген болзуңарза, аргалыг болза, бажыңдан үнмезин кызыдыңар.

3. Кажан-даа бот-эмнээшкин кылбаңар. Эмчини албан кыйгыргаш, ооң сүмези ёзугаар эмненири чугула.

4. Үргүлчү өрээлди 30 минута дургузунда агаарладыңар.

5. COVID-19-ка удур алды ай болгаш-ла албан тарыдып алырын утпаңар.

6. Үнгеш-киргеш, холду албан саваңнап чуур.

7. Хөй чон чыылган черлерге арынга кедер камгалал маскаларны кедип алыңар.

8. Каяа-даа оочурга таваржы берзиңерзе, 1 метр ырак турарын сагыңар.

Росхереглелхайгааралдың Тывада эргелелиниң медээзи-биле.