Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

Шүлүктер

25 июня 2024
11
Тыва поэзияда чогаадыкчы чоруу көскү апарган аныяк шүлүкчүлерниң бирээзи Вадим Чыкай. Ооң бижээн шүлүктери ханы уткалыг, уяранчыг лириктиг хөөннерлиг. Вадим Ада-чурттуң камгалакчызы. Ынчангаш ооң шүлүктеринде патриотчу тема кижиниң мөзү-шынары-биле тудуш.


* * *
Амыраамны чыыра тыртып куспактааштың,
Анайлар дег кыстарымны чассыткылааш,
Честек-каттар быжып турда келир мен дээш
Чеже катап узун орук үнмедим дээр.

Караңнашкан чылдар эртип келген тудум,
Кадыгландыр боданыпкаш чораан бодум,
Катап база байырлажыр үем кээрге,
Кара баарым халаш кыннып канчаары ол.

Чучактарын кызыл-даван киир тепкен,
Чуңгакталган тонун сөөрткен хеймер уруум,
Ачам-биле чоруур мен деп ыглавышаан,
Атпаңнадыр мээң соомдан халып олур.

Аакталган өпейлерим алаактырып,
Авазын эргимим деп эргеледип,
Ашак бодум аалымга чыргал көрүп,
Аяк-шайлап орар үем дүрген келзе.

* * *
Саазында бижиттинген шүлүктер дег,
Сагыш ышкаш амыдырал кайда дээр сен.
Салым-чолдуң чывар-хады улдап-ла тур,
Санныг чылдар бүрүлер дег хадып-ла тур.

Чурумалдыг бойдузумга эргеленип,
Чумурумда ханым хоюг чорумда-ла,
Чудараңгай казыргызы таварып кээр
Чуртталга-даа аактыг-ла-дыр, өңнүктерим!

Кара баарым хоозуралдан саргыза-даа,
Кара бодап, сеткилимни үревээн мен.
Караам чажы хомудалдан сызылза-даа,
Каржыланып, кулак дажы негевээн мен.

Саазында бижиттинген шүлүктер дег,
Сагыш ышкаш амыдырал кайда дээр сен.
Салым-чолдуң чывар-хады улдап-ла тур
Санныг чылдар бүрүлер дег хадып-ла тур...

Вадим ЧЫКАЙ.

«Шын» №46 2024 чылдың июнь 22