Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

ШҮЛҮКТЕР КЫДЫРААЖЫНДАН

18 июня 2024
10

Тыва поэзияга көскү изин арттырып каан шүлүкчүлерниң бирээзи Владимир Саарымбууевич Доңгак. Кызылдың педагогика институдунуң биология-химия факультедин 1975 чылда дооскан. Школаларга башкылап ажылдап, республиканың өөредилге сайыдынга чедир депшээн. Ажыл-ижи чеже-даа чай чок болза, ханы уткалыг чараш шүлүктерни бижип чораан. «Мөңге чай» шүлүктер номун үндүрген.

Ногаан чайның тоолзуг хүнү

Дүштеримге чашкы шаавыс чуруттунуп,
Дүне безин хүндүс ышкаш көзүлгүлээр.
Черниң кыры базар чер чок – чечек бүргээн,
Челээш кырлап, сенче чоруп орар-дыр мен.

Шалыңнардан эргелиг хүн херелдерин
Адыжымга дозуп алгаш, сенче сундум.
Арның кызып, дидим эвес көрүжүңде
Чажыртынмас ынакшылдың оду хып тур.

Аас-кежик салым-чолун ужуктап каан,
Чүрээвисте уттундурбас ногаан чайның
Чүден чараш, хуулгаазын тоолзуг хүнүн,
Аккан хем дег, шуушкан чылдар балай албас.
1989.

Улам дендээр

Ырак черде
Ынаам кысты сагынгаштың,
Кудараксап,
Куюмнай-даа бергилээр мен.

Чараш чаңың
Сагыжымга чуруттунуп,
Эктимге дээп,
Эргелени бергилээр сен.

Ажыл-иштиң
Агымынга алыскаштың,
Айда, чылда
Аргышпайн-даа баргылаар бис.

Ынчалзажок
Уруг эжим ыраан тудум,
Ынакшылым
Улам дендээр, чалгынналыр.

* * *
Калбак шөлге кадыыр чайып чоруп турдум,
Канчангаш-ла карак уштап көрүп кагдым:
Кескен сиген аразында кызыл чечек
Келдеш дигеш, ооргаже кээп ушту.

Сактырымга, бүрүлерден борбак шалың,
Карак чажы төгүлген дег, ышкаш болду.
Сөгедектей олурупкаш, көрүп ор мен –
Канчап ону эскербейн барганым ол ...

Владимир СААРЫМБУУ.

“Шын” №44 2024 чылдың июнь 15