Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию
1925 чылдың август 31-де үнүп эгелээн
Кызыл
02 июля, сб

Тайга черим чараш малы

9 июня 2022
28

Бо хүн, июнь 9-та, Мөңгүн-Тайга кожууннуң Кызыл-Хая суурга Сарлык байырлалынга турас­кааткан «Тайга черим чараш малы» деп эртем-практиктиг конференция болур. Ону Мөңгүн-Тайга кожууннуң төп библиотеказы база ТР-ниң Библиотека ассоциациязы организастап эрттирер. Бо хемчеглерни эрткен чылын Тываның Баштыңының грантызын ойнап алган «Тывавыстың чоргааралы – сарлык малым» төлевилелди боттандырар сорулга-биле эрттирер.

Конференцияга Эрзин, Барыын-Хемчик, Бай-Тайга кожууннардан база Кызыл, Ак-Довурак хоорайлардан илеткекчилер киржир. Аңаа «Сарлыктың тывылган төөгүзү», «Сарлыкты азыраарының дүрүмнери», «Сарлыктарның янзы-бүрү хевирлери», «Сарлык мал ажылының төөгүзү», «Тываның улусчу мастерлериниң чогаалдарында сарлык» дээш өске-даа темаларга илеткелдерни кылыр. Ол ышкаш чогаалчылар, композиторлар, профессионал чурукчулар, хореографтар, фотографтар аразынга мөөрейлерни, школачыларга сарлык мал азы сарлыкчылар дугайында чогаал бижиир мөөрейни организастаар.

Байырлал үезинде сарлык чарыжы база болур, ол ышкаш өглер хоорайы, сүттен-эъттен аъш-чем кылырынга, суй белектер кылырынга мастер-класс­тарны база эрттирер.

Ук төлевилелдиң сорулгазы – кадыг-дошкун агаар-бойдустуг черде сарлыктар өстүрүп чоруур мөңгүн-тайгажыларның амыдырал-чуртталгазын таныштырары.

Тывада сарлыктар Мөңгүн-Тайга, Бай-Тайга, Барыын-Хемчик, Өвүр база Эрзин кожууннарда өзүп турар. Сарлык бедик, чедери берге черлерде амыдырап турар. Мөңгүн-Тайга кожуунда хөй эвес сарлыкты өстүрүп турар. Сарлыкты Мөңгүн-Тайга кожууннуң сүлде демдээнде сиилбээн.

/ Бистиң корр.