ТБККШИ директору Ренат Кужугет: "Республиканың чаагай чоруу дээш эрге-чагырга-биле кады ажылдажылгага Тываның эртем ниитилежилгези белен".

РЭА СС Тываның бойдус курлавырларының комплекстиг шиңгээдилге институдунуң директору Ренат Кужугет Тыва Республиканың Баштыңының Айыткалында республиканың эртем ниитилежилге-биле эрге-чагырганың сырый кады ажылдажылгазы база өске-даа чүүлдер чугула болганын демдеглээн:

«Тыва Республиканың Баштыңы бодунуң Айыткалында тускай шериг опреациязының киржикчилери, бистиң чаңгыс чер-чурттугларывыстың бир демин, эрес-дидим, маадырлыг чоруун демдеглеп, сайзырал болгаш тиилелгениң үндезини – бистиң чаңгыс демивисте деп чугаалаан. Ийиде, республиканың хамаатыларының, ажы-төлдүг өг-бүлелерниң база тускай шериг опреациязының киржикчилериниң өг-бүлелеринге деткимчениң база социал хандырылганың айтырыгларын айыткан. Кандыг-даа күрүнениң таваа өг-бүледе деп санааны, дыка шын шиитпир деп санааар мен. Үште, республика Баштыңы регионда адырлар аайы-биле, ооң санында көдээ ажыл-агыйында бүдүрүлге күчүзү өскенин демдегледи. Регионнуң эрге-чагыргазы ол адырны моон-даа соңгаар хөгжүдер болган. Дөртте, Владислав Товарищтайович регионнуң төөгү-культурлуг база бойдус-курлавырлыг күчү-шыдалын өзек кылгаш, регионнуң эртем-технологтуг хөгжүлдезинге республиканың эрге-чагыргалары-биле эртемниң кады ажылдажылгазын, өөредилге биле эртемниң чугулазын демдеглээн. Эртем ниитилежилгезиниң төлээзи болганымда, бистиң республиканың база бүгү чурттуң чечектелип хөгжүүрү дээш, бо планда кады ажылдаарынга белен бис».

ТР-ниң Парлалга албаны