Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию
1925 чылдың август 31-де үнүп эгелээн
Кызыл
02 июля, сб

Тывада хереглел барааннарының өртээниң өзүлдези оожум

4 июня 2022
22

2022 чылдың баштайгы дөрт айында Тывада барааннар база ачы-дуза өртектери Россияда ортумак деңнелден оожум өзүп турары демдег­леттинген. Чыл эгезинде чуртта инфляцияның деңнели 11,7 хуу болган болза, Тывада ук көргүзүг апрель айда 9,9 хуу болган. ТР-ниң Экономиктиг хөгжүлде болгаш үлетпүр яамызы хереглел барааннарынга өртектерниң өскенин сайгарып шинчилээш, чогуур медээлерни берген.

Ук медээлер езугаар алырга, аъш-чем барааннарының өртээ 13,3 хуу өскен (Россия­да – 113,1 хуу). Өзүлде колдуунда фруктылар болгаш ногаа аймаанда болган. Ак капустаның өртээ ийи катап, банан – 37,1, груша – 42,7, борбак согуна – 52,6, виноград – 43,5, картофель – 30,7 хуу аартаан.

Чигир өртээ 46,3 хуу көдүрүлген. Кондитер кылыг­лары, макароннар база крупалар өртээ 20 ажыг хууга, сүт база сүт продукциязы – 12, эът аймаа – 8,1 хуу өскен. Эът продуктуларындан сөөк чок, мөөң инек эъдиниң өртээ 22,4 хууга аартаан. Хлеб база хлеб-булочка кылыгларының өртээ 6,7 хуу өскен.

Аъш-чем бөлүүнде чүгле чаңгыс чуурга өртээ баткан – чыл эгезинге көөрде, 9,8 хуу чавызаан.

Тывада аъш-чемге хамаарышпас барааннарның өртээ дөрт ай иштинде 7,1 хууга аартаан (Россияда – 13,5). Ювелирлиг кылыглар өртээ 1,5 катап аартаан. Россияга бүдүрген автомашиналар база дугуйлар өртээ 30 хуу, чунар болгаш чугдунар чүүлдер өртээ 21,9 хуу, парфюмерия база косметика – 13,1, электробарааннар база бажың херекселдери – 12,1, эт-сеп аймаа 9,6 хуу өскен.

А ачы-дуза адырында Тывада өртектер Россияда ортумак деңнелден дүрген өскен: республикада – 10,1 хууга, чуртта 7,1 хуу. Банкылар боттарының ачы-дузазын чедиргени дээш эң хөй өртекти тургускан, декабрьга деңнээрге, 54,1 хуу аартаан. Ам хереглел чээлизин ажыглааны дээш төлевир 58,8 хууга өскен.

Ачы-дуза адырының чамдык угланыышкыннарында өртектер өзүлдези база демдеглеттинген. Чижээ, автомашина чуур ачы-дуза бодунуң өртээн 13,9 хууга, автотранспорт дугуйларын өйлээр пунктулар – 12,5, шиномонтажтар – 9,2 хууга өртээн өстүрген.

Тываның Чазааның парлалга албанының медээлери-биле.