Бо хүннерде РФ-тиң Культура яамызының оралакчы сайыды Владимир Осинцев Тывада аалдап келген. Ол Тыва Республика хүнүнге тураскааткан культурлуг хемчеглерниң хүндүлүг аалчызы кылдыр чаладып киришкен. Ол ышкаш Тыва үндезин культура төвүнге база четкен. Ырактан келген хүндүлүг аалчызынга Төптүң специалистери кыска таныштырылганы кылган соонда, “Тыва” ансамбли хөгжүмнүг программазын көргүскен. База ол ышкаш ТР-ниң Культура болгаш туризм сайыды Виктор Чигжит, Тыва үндезин культура төвүнүң директору Игорь Көшкендей Москвадан келген оралакчы сайыт-биле ажыл-агыйжы ужуражылганы кылганнар.
