Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

Тывадан ийи киржикчи чалалгаларны алган

11 декабря 2023
26

«Россия — аргалар чурту» деп президент платформазының «Профхөгжүлде» төлевилелиниң бирги сезонун түңнээн. Төлевилелге 30 ажыг муң кижи киришкен, оларның 137-зи Тывадан. «Профхөгжүлде» төлевилел «Өөредилге» национал төлевилелдиң «Кижи бүрүзүнге социал лифтилер» деп федералдыг төлевилелдиң иштинде боттанып турар.

«Россия» делгелге-шуулганның өөредилгелиг программазының үезинде ону түңнээн. Ооң чиңгине партнёру «Билиг» Российжи ниитилел киржикчилер, тиилекчилер болгаш эштежилге компаниялар төлээлери-биле ажыл дугайында консультацияларны, темалыг викториналарны, интерактивтерни чоруткан. Ол-ла хүн сураглыг спикерлер боттарының чедиишкиннериниң төөгүлери-биле база ажыл-агыйын эгелеп тургаш таваржыр бергелерни ажып эрткениниң дугайында сүмелери-биле үлешкен.

«Келир үениң профессионалдарынга улуг болгаш ажыктыг төлевилел болду. Россияның 89 регионун хаара туттувус. Мээң көрүжүм-биле алырга, ажыл-херээн эгелеп алырынга база хөгжүүрүнге аргалар санап четпес деп чүүлдү аныяктарга көргүстүвүс. А ажыл берикчилери аныяк, идепкейжи база профессионал хөгжүүрүнге белен аныяктарга сонуургалдыг. Ол ышкаш төлевилелдиң эштежилге компаниялары хыналданы эрткен кандидаттарны шилип алыр аргалыг болган» — деп, «Россия — аргалар чурту» автономнуг коммерциялыг эвес организацияның чиңгине директорунуң бирги оралакчызы Алексей Агафонов чугаалаан.

Ажыл берикчилери 7 муң ажыг киржикчилерни көрген база 811 чугаалажыышкынны эрттирген. Түңнелинде, кандидаттарга стажировка эрттиреринче 150 ажыг чалалгаларны чоруткан. Стажировкаларны 2023 чылдың декабрьдан 2024 чылдың март айның төнчүзүнге чедир эрттирер.

Тыва Республика тиилекчилериниң саны-биле тергиин 7 регион аразынче кирип турар. Республиканың ийи төлээзи «Профхөгжүлдениң» бирги сезонунуң тиилекчилери болган. ТывКУ-дан Оюмаа Ооржак «Смена» деп Бүгү-российжи уруглар төвүнге стажер-вожатыйлаар, а Янчимаа Ооржак «Мрия» деп санатор-курортуг комплекске хүлээп алыышкын администратору кылдыр стажировка эртер чалалгаларны алганнар.

«Төлевилелдиң кол үнези — олар чүгле стажировка эрттирери-биле кызыгаарланмас. Түңнелинге четпейн барган аныяктар, дөмей-ле үнелиг дуржулганы алган. Ол ышкаш бирги сезон дургузунда өөредиглиг материалдар болгаш үнелиг сүмелер-биле үлежип турганывыстың ачызында кижи бүрүзү бодунга арга-мергежилди алыр аргалыг болган. Кажан олар боттарының күжүн база катап шенээр деп шиитпирлеп алырга, алган билиглери кижи бүрүзүнге херектиг апаар дээрзинге бүзүрээр мен» — деп, «Россия — аргалар чурту» деп президент платформазының «Профхөгжүлде» төлевилелиниң удуртукчузу Кристина Зорина демдеглээн.

Ниитизи-биле төлевилелге 100 ажыг эштежилге ажыл берикчилери 244 стажировканы таныштырган. Оларның аразында: Россия Федерациязының Күрүне Думазы, РФ-тиң Спорт яамызы, «Росатом» күрүне корпорациязы, «Банк ВТБ» акционерлиг ниитилел, «Тиилелгениң волонтёрлары» Бүгү-российжи хөй-ниити шимчээшкини, «Группа «СВЭЛ» АН, «Кэпт» АН, «Группа Компаний «Русагро» КХН, «ЭкоНива-АПК Холдинг» КХН, «Группа «Синара» АН, «Анкор» АН, «Татнефть» АН, «Смена» Бүгү-российжи уруглар төвү, «Брусника. Тудуг организакчызы» КХН дээш оон-даа өске.

«Профхөгжүлде» келир сезонда оон-даа хөй адырларны болгаш организацияларны хаара тудар. Ам безин төлевилелдиң киржикчилери боттарын стажёрлар кылдыр ап, бирги сезоннуң түңнелинде твоистажировки.рф деп сайтызында салган онлайн-оюнга бирги виртуалдыг ажыл хүнүн «чурттап» болур.

Алдынай СОЯН.


“Шын” №94 2023 чылдың декабрь 9