Тываның күрүне университединиң экономика факультединиң күш-ажыл рыногун шинчилээр лабораторияның удуртукчузу, экономика кафедразының улуг башкызы Анна Серээжикпей “Эрудит” аттыг немелде өөредилге төвүн ажыдарын планнап турар.
Ооң төлевилели грант деткимчезин алыр “Тываның командазы-2030” аныяктарның регионалдыг лидерлер форумунга болган бизнес-төлевилел шөлчүгежинге 16 тиилекчиниң аразынче кирген.
Аныяк эртемден өөредилгеге хамаарышкан янзы-бүрү чүүлдерни боттандырарын планнап турар. Оларның иштинче саң-хөө талазы-биле билиглерге өөредири база кирип турар. Оон ыңай ук төлевилелдиң боттандырылгазынче чаңгыстап болгаш бөлүктеп өөредир кичээлдер, мастер-класстар, тематиктиг тренингилер, өөредиглиг семинарлар, профессионал белеткел болгаш билиг бедидер курстар база кирип турар.
Ук форумну Тываның аныяктарынга, республиканың сайзыралынче угланган социал ужур-уткалыг төлевилелдерни ажылдап кылгаш, демнежип боттандырарын күштелдирер, башкарылга болгаш сайгарлыкчы чорук адырынга аныяктарның идепкейжи чоруунга идиг бээр сорулгалыг эрттирип турар.
#ТувГУ#УченыеТувГУ#ТываныңКомандазы2030#Тыва#Тува#ЭФШынсолун
