Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

Улуг хүрээни хөгжүдер

27 апреля 2024
7

Күжүгет Шойгу аттыг Культура фондузунуң болгаш деткикчилерниң деткимчезиниң ачызында найысылалда «Түбтен Шедруб Линг» хүрээзиниң девискээринге ус-шеверлер мастерскаязын, ламаларның ниити чуртталга бажыңын, хүрээге келген чонга база туристерге кафе, ажык черге спортчу шөлдү, ол ышкаш чөөн чүк медициназының реабилитация төвүн тудар.

Ук объектиге тудугну хүлээнип алган организацияның болгаш Күжүгет Шойгу аттыг Фондунуң төлээлери-биле сарыг шажын комплекизин калбартырының планнарын болгаш хуусаазын сайгарып чугаалашкан.

— «Түбтен Шедруб Линг» хүрээзиниң ийиги ээлчегде объектилер тудуун ажылчын бөлүк-биле сайгарып чугаалаштывыс. Культура фондузунуң деткимчези болгаш меценаттарның акша-хөреңгизиниң ачызында Тывавыстың визит карточказы апарган сарыг шажын комплекизин хөгжүдер бис — деп, Тываның Баштыңы Владислав Ховалыг бодунуң блогунга бижээн.

Республиканың кол сарыг шажын хүрээзин Россияның Маадыры, РФ-тиң камгалал сайыды Сергей Шойгунуң бот-идепкейи-биле база Күжүгет Шойгу аттыг Культура фондузунуң деткимчези-биле бир чыл бурунгаар тудуп үндүрген. Хүрээниң турар черин XIV Ыдыктыг Далай-Лама Тывага кээп чорааш, 1992 чылдың сентябрь 21-де, йөрээп ыдыктап каан. 2020 чылда Ыдыктыг Далай-Лама туттунуп турар хүрээге атты тывыскан — Будда Шакьямуниниң Өөредиин тайылбырлаарының болгаш боттандырарының ораны, тибет дылда «Түбтен Шедруб Линг» дээн.

Бистиң корр.
“Шын” №32 2024 чылдың апрель 27