«Уруг айыылдыг байдалда» деп телефон шугумунуӊ ажылдап эгелээн дээрзин Тыва Республикада Истелге эргелели дыӊнадып турар.
Республиканыӊ кандыг-даа чурттакчызы 24 шак дургузунда хондур ажылдаар телефон дугаарынче долгап болур. Бичии улуска хамаарыштыр үүлгедиг кылганын көрген, дыӊнаан болза, азы бичии кижиниӊ айыылдыг байдалда турарын эскерген болза, дарый дыӊнадыр. Долгаары халас.
Телефоннары: 8-800-775-1370 азы 123 8(913)350-6435
Хамааты бүрүзүнүӊ дамчыткан медээзин дыӊнаар. Келген дыӊнадыышкыннарны Россия Федерациязыныӊ хоойлужудулгазынга дүүштүр сайгарып көргеш, чогуур шиитпирни хүлээп алыр.
«Уруг айыылдыг байдалда» деп телефон шугумунче долгааш, кем-херек дугайында медээден аӊгыда, назы четпээн улустуӊ хоойлу ёзугаар эргелерин, болгаш эрге-ажыктарын үреп хажыткан таварылгаларны көрген-билген болза, дыӊнадыр.
Чогуур ведомстволарныӊ кылыр ужурлуг хүлээлгези чедир күүсеттинмээн, чедимче чок ажылдап турар хире болза, шак ындыг хажыдыышкыннарны чайладыр дээш, долгап болур.
Чижээ, назы чептээн кижиниӊ амыдыралы берге байдалда келгенин, ада-иелер боттарыныӊ хүлээлгезин болур-чогууру-биле күүсетпейн турарын, бичии кижилерниӊ амы-тынынга болгаш кадыкшылынга айыылдыг байдал тургустунуп келгени дээш оон-даа өске барымдаалыг фактылар дугайында дарый дыӊнадыр.
РФ-тиӊ Истелге комитединиӊ ТР-де Истелге эргелели.