Июнь 1-10 хүннеринде республиканыӊ девискээринге профилактиктиг рейдилер болур.
«Камгалал» дээрге бичии кижилерге хамаарыштыр кем-херек үүлгедир чоруктар болдурбазын кичээндирер, чаш ажы-төлдү дорамчылаар, оларже күш дөгээр кижилерни илередип тывар, назы четпээн уругларныӊ эрге-ажыын камгалаар сорулгалар-биле эрттирип турар оперативтиг-профилактиктиг хемчег.
Эрткен дыштаныр хүннерде Чеди-Хөл, Таӊды, Тожу, Бии-Хем кожууннарныӊ социал ажылдакчылары, ортумак школаларыныӊ психолог башкылары рейд хемчеглеринге киришкен.
Корум-чурум, айыыл чок чоруктуӊ дүрүмнери, өг-бүлеге арагалаашкынныӊ багай салдары дээн ышкаш дүвүренчиг темаларны тодаргайы-биле тайылбырлап көргүскен буклеттер-биле таныштыргаш, тус-тузунда үлеп берген.
Чайгы дыштанылга эгелээни-биле чергелештир ада-иелерниӊ харыысалгазын күштелдирип, уруг-дарыын хайгаарал чок, сула салыптар чоруун, ылаӊгыя ажы-төлүнүӊ чанынга арага-дары ижерин болдурбазы-биле баш удур тайылбыр ажылын чорудуп турар.
ТР-ниӊ Өөредилге яамызыныӊ медээзи-биле Р. ДЕМЧИК белеткээн.
