Чай дүшкени-биле хоорай чурттакчылары арга-эзим, аржаан, хөлдер, хемнерге дыштанып, удаа-дараа бойдусче үнүүшкүннер кылыр дээш четтикпейн-не тургулаар.
Ылаңгыя арга киргеш, чамдык улус ыяштардан куспактаныксаар болур. Ол куспактаныышкын дугайында чамдык чүүлдерни билип алыры артык эвес. Чижээ, ыяш бүрүзүнден куспактаныры айыылдыг. Кижиниң организминге эки салдарлыг ыяштардан аңгыда, хора чедирерлери, күжүн соруп апаарлары база бар. Ам оларны аңгылап, сактып алыылыңар:
ДОНОР ЫЯШТАР:
Дуб. Кадыкшылга кончуг эки салдарлыг, күш киирер, угаан-медерел сергедир, сагыш-сеткил оожургадыр, хан-дамыр аргыжылгазын экижидер. Ону куспактаарынга дүнеки үе таарымчалыг.
Хадың. Кижиниң кежиниң шынары экижиир, аарып турган чер оожургай бээр, сеткил-хөөн көдүрлүр. Ылаңгыя херээжен болгаш бичии чаштарга бо ыяшты өйлеп-өйлеп куспактаарын сүмелеп турар.
Хады. Иммунитет көдүрер, сагыш-сеткил оожуктурар, чүрек аарыг улус оваарымчалыг болур болза эки. Чүге дээрге ыяштан дедир келген улуг күш чүрекке аар дептип болур.
Клён. Муңгараан, хомудаан улус чайгаар оожургай бээр.
Яблоня. Өг-бүлениң чедимчелиг байдалынга эки салдарлыг. Материалдыг байлакшылды хаара тудар.
ВАМПИР ЫЯШТАР:
Осина (шарлан). Эң-не күштүг вампир ыяш. Ындыг-даа болза, диш аарый бергенде, уйгу читкенде дузалаар.
Терек. Баш аарыы, диш аарыын оожургадыптар, дүвүрелди, шылаанын чидириптер, үр куспактаар болза, кижи сулараар, күжү эвээжээр.
Шиви. Нерв системазын оожуктурарынга дузалыг, багай энергияны алгаш баар, шагзырадыр.
Ива (тал, хаак). Херээжен “вампир ыяш” деп санадыр. Чүге дээрге кыс улустуң сагыш-сеткилин оожуктурарынга дузалыг, ындыг-даа болза оваарымчалыг болурун сагындырып турар.
Ыяш куспактаар бетинде, ооң хемчээлин, кырган, аныяан эки көрүп алыр. Донор ыяштарны 7-10 минутадан көвүдетпейн куспактап болур. Вампир ыяштарга 3-5 минута чедер. Оон көвүдээрге, кижиниң күжүн эвээжедир соруп апаар. Ылаңгыя хоочураан аарыглыг азы аллергиялыг улус ыяштар куспактаар бетинде, эмчиниң арга-сүмезин дыңнап алыры артык эвес.
Алган дөзү: s.esrae.ru/noocivil/p...
Чуруктарны кылымал угаан чураан.
“Шын” №21 2026 чылдың июнь 4
"Шын" солуннуң МАХ-каналынга каттыжыңар: max.ru/join/egenQ...