Эпидемиологтуг байдал
Эрткен неделяның эпидбайдалы-биле алырга, Тывада коронавирус хамчыктыг аарыгдан аараан улустуң саны 113 чедир кызырылган. Республика девискээринге ниитизи-биле 739 кижи аараан деп демдеглеттинген.
Чон аразында коронавируска удур тарылга идепкейлиг чоруп турар. Амгы үеде республикада 149 788 комплект вакцина бар. Сентябрь айда 124 290 кижини тарыыры көрдүнген. Бо хүнде бирги тарылганы 97 578 кижи алган. Бо талазы-биле планның 78,5 хуузу күүсеттинген. Вакцинаның ийи компонентизи-биле тарыткаш, тарылганың долу курузун 75 703 кижи эрткен. Планның 60,9 хуузу күүсеттинген.
Бо хүннерге чедир коронавируска удур тарыдар талазы-биле Мөңгүн-Тайга, Чаа-Хөл болгаш Өвүр кожууннар бедик идепкейин көргүскеш, планны ажыр күүсеткен. Тере-Хөл, Кызыл кожууннар база Кызыл хоорай планны 70 хуудан эвээш күүсеткен.
Эмчилерниң демдеглеп турары-биле алырга, коронавирустан аараан берге байдалдыг кижилер аразында тарыдып алган улус таварышпайн турар. Ынчангаш тарыдып алыры чугула дээрзин эмчилер база катап сагындырып турар.
Ам-даа тарыдып албаан, тарыдар күзелдиг улус “Госуслуги” портал https://www.gosuslugi.ru таварыштыр оочурга бижидип алгаш, тарыдып ап болур.
#Эпидбайдал #Кадыккамгалал #Вакцинация #Тыва #Тува #Тувамедиагрупп #Тывадыл #Тывамедээ #Tuva #Shyntuva
