Тыва Чазактың бөгүнгү аппарат хуралынга кол санитар эмчи Людмила Салчак Тывада эпидемиологтуг байдал дугайында дыңнаткан. Эрткен неделя дургузунда коронавирус хамчыындан 832 кижи аарааны бадыткаттынган. Ооң мурнунда неделяга деңнээрге бичии-ле (16 хуу) эвээжээн. Ортумаа-биле 0,52 хуу өзе берген дээрзи билдинген.
Хөй кезиинде Чаа-Хөл, Чеди-Хөл, Тожу, Таңды, Барыын-Хемчик, Улуг-Хем кожууннарда халдавырлыг аарыг өөскүп турары демдеглеттинген. Арткан кожууннарда хамчыктыг аарыгдан аараан кижилерниң саны эвээжеп турар.
112 аарыг кижиниң 42-зи эр кижилер, 70-и херээженнер. Назы-хар аайы-биле: 17 хар чедир бичии уруглар - 28 кижи, 18-тен 49 хар чедир - 57, 50-ден 64 хар аразы - 19 кижи, 65 хардан өрү - 8 кижи аараан.
Коронавирус хамчыындан хөй кезиинде (46,3 хуузу) пенсия назылыг улус аарып турар.
Анализтеп көөрге аарыгга алзып болур улус - колдуунда айыылдыг бөлүктүң кижилери. Ол бөлүктен чүгле 1432 кижи коронавируска тарылганы алган.
Тываның кол санитар эмчизи хөй кижи чыглып турар черлерге санитарлыг хемчеглерни күштелдирерин уламчылаар сүмени киирген.
#Аппаратхуралы #Росхереглелхайгаарал #Людмиласалчак #Тыва #Тува #Тувамедиагрупп #Тывадыл #Тывамедээ #Tuva #Shyntuva
