Октябрь 13-те Тываның Баштыңы Владислав Ховалыг республиканың экономика сайыдының хүлээлгезин күүседир албан-дужаалга Меңги Хомушкуевич Кара-оолду томуйлаан.
Айдыс Сат улуг коммерциялыг структураже ажылдап чоруур күзелин илереткеш, албан-дужаалындан халашкан.
Экономика яамызының ажылын уштап-баштаар кылдыр томуйлаттырган Меңги Кара-оол республикага күрүнениң эрге-чагырга органнарынга удуртукчулап ажылдап турган болгаш, элээн арга-дуржулгалыг.
Ол ооң мурнунда ТР-ниң Садыг болгаш амыдырыл хереглелин хандырар яамының кидис эргелекчизи, ТР-ниң экономика яамызының оралакчы-сайыды, Кызыл хоорай чагырыкчызының экономика болгаш саң-хөө талазы-биле бирги оралакчызы, Кызыл хоорайның Архитектура, хоорай тудуу болгаш чер хамаарылгаларының департаментизиниң даргазы болуп ажылдап чораан.
Тываның гуманитарлыг болгаш социал-экономиктиг тускай шинчилелдер институдунуң (экономика секторунуң) эртем ажылдакчызы болуп ажылдап турган.
Чаа албан-дужаалга томуйладыр мурнунда, республиканың чер болгаш өнчү-хөреңги хамаарылгаларының сайыдының хүлээлгезин күүседип турган.
Республиканың удуртулгазында чаа томуйлаашкыннар дугайында Тываның Чазааның парлалга албаны дыңнаткан.
Р.Демчик очулдурган.
