Тывада сөөлгү хонуктарда коронавирустан аараан 190 таварылга илереттинген. Оларның 38-и бичии уруглар, 126-зы херээжен, 64-ү эр кижилер. Кадык камгалал яамызының дыңнадып турары-биле, 18 хардан 49 хар чедир 108 кижи, 50-ден 64 хар чедир 35 кижи, 65 хардан өрү назылыг 9 кижи болган.
Ниитизи-биле январь 1-ден тура 3605 лабораторлуг таварылга бадыткаттынган.
Кызылдың халдавырлыг аарыглар эмнелгезинде 1333 аарыг кижи эмнедип чыдар, оларның 231-и берге байдалда. Сөөлгү хонуктарда берге байдалда аарыг кижилер саны 4 кижи көвүдей берген. ИВЛ аппаратта 39 кижи коштунган, оларның иштинде инвазивтиг аппаратта 5, инвазивтиг эвес аппаратта 34 кижи коштунган. Амбулаторлуг эмнээшкинде дегдириишкинниг 76 кижи бар.
Хостуг оруннар саны 1597 орундан 16,5 % арткан.
Январь 1-ден тура Covid-19-тан 38 кижи чок болган.
Call-төптерже хонукта 2138 долгаан, Covid-19-туң анализ харыыларының дугайында 1341 смс-дыңнадыгны чоруткан.
Аарыгга удур тарылганың бирги кезээн 77 688 кижи, бүрүнү-биле 55 341 кижи алган.
#Коронавирус #Эпидбайдал #Кадыккамгалаляамызы #Тыва #Тува #Тувамедиагрупп #Тывадыл #Тывамедээ #Tuva #Shyntuva
