Хандагайты–Боршоо кызыгаар эрттирер пунктунуӊ тудуунуӊ документациязын белеткеп турар.
Россияныӊ транспорт яамызыныӊ эргелелинде Роскгарнстрой тудуг деп албан чери 2021 чылдыӊ декабрь төнчүзүнде хүлээникчи организациязы-биле керээ чарып алган.
Олар Россияныӊ талазындан Хандагайты, Моолдуӊ талазындан Боршоо чүък-пассажир транспортун кызыгаар таварыштыр эрттирер автомобиль пунктузун кылыр. Тудугнуӊ документациязын ам кылып турар, а бо чылдыӊ ийиги кварталында тудуп эгелээр.
Кызыгаар эрттирер чаа пунктудан бир хонукта – 200 транспорт, 560 хире кижи эрттирип болур.
Баштай кызыгаар эртер чаа кезээн кылыр, оон соонда эрги пунктуну чаартыптар. Ынчангаш эрттирилге пунктузунуӊ ажылын соксатпас.
Хандагайты-Боршоо чаа пунктузу 2023 чылдыӊ төнчүзүнде ажылдап эгелээр деп планнап турар.
Амгы үеде кызыгаар эрттирер пункт 8:00 - 18:00 шактарда ажылдап турар болза, ону чаартып кылган соонда, ол хондур ажылдаар.
Эрттирилге пунктузу ийи эвес, а хөй талалыг деп эрге-байдалдыг апаар. Ам чүгле Россияныӊ биле Моолдуӊ чүък машиналары, туристери аргыжып турар болза, ооӊ соонда өске-даа күрүнелерниӊ туристери, автомобильдери олап эртип болур апаар.
Бо төлевилел регионнуӊ экономика болгаш туризм адырын хөгжүдеринге, Тыва Республиканыӊ транзит аргыжылганы сайзырадырынга дузалыг.
Росгранстрой парлалга албаны.
Р.ДЕМЧИК очулдурган.
