Уруг-дарыглыг өг-бүлелерге социал деткимчени хандырып бээр талазы-биле федералдыг болгаш республика хоойлужудулгазын боттандырар сорулга-биле Тыва Республиканың Күш-ажыл болгаш социал политика яамызы дараазында медээни дыңнаткан.
Уруг-дарыглыг өг-бүлелерге көрдүнген социал деткимче хемчеглерин республикада кылып чорудуп турар. 2020 чылдың ноябрь 6-да байдал-биле ук яамының агар санынче дараазында саң-хөөлүг акша-хөреңги шилчип келген:
- Өскүс уругларга болгаш ада-иезиниң ажаалда хайгааралы чок арткан уругларга ай санында бээр дузаламчыга – 24 000 муң рубль;
- Ада-иезиниң ажаалда-тежээлдези чок арткан уругларга (при всех формах устройства детей) чаңгыс катап бээр дузаламчыга – 1 500, 00 муң рубль;
- 0-16 (18) харлыг уругларга ай санында бээр дузаламчыга – 12 382, 76 муң рубль;
- Бир дугаар уруу төрүттүнгени-биле (азырап алганы-биле) холбаштыр ай санында бээр дузаламчыга – 46 682, 79 муң рубль;
- Ажылдавайн турар хамаатыларга бичии уруун 1,5 хар чедир азырап олурары дээш бээр дузаламчыга – 45 787, 62 муң рубль;
5.1. Ажылдавайн турар хамаатыларга бир дугаар уруун 1,5 хар чедир азырап олурары дээш бээр дузаламчыга – 12 221, 16 муң рубль;
- 3-тен 7 харга чедир бичии уругларга ай санында бээр төлевирлерге – 175 506, 66 муң рубль;
- Шериг албаны эрттирип турар шериг кижиниң бичии уруунга ай санында бээр дузаламчызынга, шериг албаны эрттирип турар кижиниң иштиг-сааттыг кадайынга ай санында бээр дузаламчыга – 2, 500, 00 муң рубль;
Үстүнде айыткан күрүне дузаламчыларын болгаш ай санында бээр төлевирлерни ноябрь 11-ден эгелээш улустуң банкыда агар-санынче шилчидип эгелээр.
Үш дугаар болгаш ооң соонда төрүттүнүп келген уруунуң төрүттүнгени (азы ону азырап алганы) дээш ай санында бээр төлевириниң немелде акшаландырыышкынын манап турар.
Раля Кама.
