Республикада эпидемиологтуг байдал: коронавирустуг хамчыктан аараан 433 кижи стационарлыг эмнээшкинде. Оларныӊ 64-тү бичии уруглар, а 14-тү иштиг херээжен улус.
Сөөлгү хонуктарда эмнелгеге 28 кижини чыттырган, сегип эттине берген 19 кижини үндүр бижээн. Тыныышкын органнары кошкап, берге аарып турар 23 кижини – ИВЛ, а 6 кижини – НИВЛ кылымал аппараттарда кожуп эмнеп турар.
Октябрь 25-тен тура, Кызылдыӊ Чехов кудумчузунда Халдавырлыг аарыглар эмнелгези ковид госпиталь кылдыр ажылдап эгелээн.
📢КОРОНАВИРУСКА УДУР ТАРЫЛГА
Тыва Республиканың чурттакчыларын хамчыктыг аарыгга удур тарыдып, коллективтиг иммунитетти тургузуп алырынга, вакцина чедер. Октябрь 24-те Ковид-Вак вакцинаныӊ сөөлгү 9600 дозазын эккелген.
Спутник-лайт вакцинаныӊ бирги кезээ-биле 120 муӊ кижи тарыдып алган соонда, планныӊ 72,7 хуузу күусеттинген. Вакцинаныӊ долу курузунуӊ планыныӊ күүселдези 63,3 хуу болган.
Россия Федерациязында вакцинация талазы-биле бистиӊ республика 14-кү черде келген.
Барыын-Хемчиктиӊ кожууннар аразында эмнелге төвү, Кызыл хоорайныӊ, Эрзин биле Тере-Хөл кожууннарныӊ төп эмнелгелери ковидке удур тарылганы 70 хуудан эвээш чорудуп турар.
Кызыл кожууннуӊ төп эмнелгези эрткен неделяда 772 кижини тараан.
📢ГРИППКЕ УДУР ТАРЫЛГА
Күзүгүп сооп келген үеде, гриппке удур тарылга ажылын уламчылап турар. Тожу, Бай-Тайга, Чөөн-Хемчик, Эрзин кожууннарда уруглар садтары барбайн турар 3-7 харлыг уруглар гриппке удур тарылганы эртпээн.
Албан черлериниӊ ажылдап турар оран-савазынга өске кижилерни киирип болбазыныӊ дугайында чаа үнген Чарлыкты организация бүрүзү сагып, чогуур актыларны тургузары чугула.
Тываныӊ Чазааныӊ Аппарат хуралыныӊ медээзин Р.ДЕМЧИК очулдурган.
#Эпидбайдал #Вакцинация #Коронавирус #Тыва #Тува #Шынсолун #Тывадыл #Тывамедээ #Tuva #Shyntuva
