Россияның Онза байдалдар яамызының Тыва Республика талазы-биле Кол эргелелиниң начальниги, иштики албанның генерал-майору Алексей Артёмов Тыва Республиканың Чазааның аппарат хуралынга бөгүнде республикада байдалдың дугайында илеткээн.
Тайгаш, сугже дүшкен
Июль 25-те ис чок читкен 7 харлыг уругнуң дилээшкинин чорудуп турар.
Айыыл-халап Каа-Хем кожуунга болган. Баш буруңгаар билдингенинден алырга, улуг-хүнде Каа-Хем хемде хаяга турган уруг тайгаш, сугже кээп дүшкен, ооң соонда ону агым аппарган.
Амгы үеде бичии уруг тывылбаан. Болуушкун болган черде камгалакчылар чедип келген болгаш дилээшкин ажылдарын чорудуп турар.
Арга-арыг өрттериниң саны өскен
Июль 26-ның эртенгиниң чеди шакта байдал-биле алырга, республиканың девискээринде 8 арга-арыг өртү хып турар: бирээзи Каа-Хем кожуунда база ниити шөлү 118,4 гектар 7 өрт Тожу кожуунда. Оларның иштинден 76,9 га ниити шөлдүг 3 өрттү өжүрген, от-биле демиселге 103 кижини хаара туткан.
#ОБЯ #Алексейартемьев #Онзабайдалдар #Өрттер #Тыва #Тува #Тувамедиагрупп #Тывадыл #Тывамедээ #Tuva #Shyntuva
