Тывада чамдык тудуг организациялары өскүстерге бажыңнар тудар конкурсту ойнап алгаш, даанган хүлээлгелеринге күш четпейн турар.
Республиканың “Күртудугчагыы” күрүнениң казна албан чериниң эрге-хоойлу база кадрлар хандырылгазының килдизи, эрткен 2020 чылдың түңнелдери-биле, дараазында керээ чарыкчыларын — хуу бүдүрүлге Кенден Ч. В., хуу бүдүрүлге Канзан-оол Л. В., «НСК-Град» КХН, «Аметист» КХН база «Кристина» КХН-ни шынчы эвес тудугжулар даңзызынче киирген.
Күртудуг чагыының специалистери күрүне керээлери-биле бүдүрүлге ажылын графиктен озалдадып турар тудуг организацияларының даңзызын база тургускан. “Күрүне тудуунга чагыг” күрүнениң казна албан чери чаңгыс талалыг чурум-биле, керээ күүселдезинден ойталаар дугайында шиитпирин “Чуртталгатудугсервис” КХН («Жилстройсерсвис») компанияның адынче чоруткан.
«Технологии. Инвестиции. Менеджмент» эртем-бүдүрүлге компаниязы ажыл графигинден эң хөй - 247 хонук озалдап турар. Чеди-Хөл кожууннуң Хову-Аксы суурда суг чыыр черни база улуг суг шугумун эде чаартыр керээ компания-биле чардынган.
Бай-Тайга кожууннуң Кара-Хөл сумузунга «Азимут» КХН, Бай-Тайга кожууннуң Тээли суурга Машпак-оол К. М.-ның хуу бүдүрүлгези, Кызыл кожууннуң Кур-Чер суурга - Кужугет Э. А.-ның ХБ, Кызыл кожууннуң Баян-Кол суурга – Монгуш Н.Д-ниң ХБ, Чеди-Хөл кожууннуң Сайлыг суурга - «Эколайф» КХН база Кызыл кожууннуң Кур-Чер суурга - «Бола» КХН өскүс уругларга бажыңнар тудар графиктен 35 хонукка озалдап турар.
Шүшпең тудугжулар даңзызында «Атлант» КХН база бар. Олар Чеди-Хөл кожууннуң Хову-Аксы суурунда аварийлиг чуртталга бажыңнарындан хамаатыларны өскээр көжүреринге сес чаагайжыткан чуртталга бажыңнарын тудар керээни чарып алган.
«Күртудугчагыг» ККА социал ужур-уткалыг объектилер тударынга күрүне керээлериниң чорудуунга база хуусааларынга хүн бүрүнүң хыналдазын кылып турар. Тудугну үе-шаанда шынарлыг доозарынга чүгле тудугжулар эвес, а тус чер чагыргалары база сонуургалдыг дээрзин ведомство демдеглээн.
#Тудуглар #Өскүстергечурттаароран_сава #Күртудуг #Тыва #Тува #Тувамедиагрупп #Тывадыл #Тывамедээ #Tuva #Shyntuva
