"Россияның эң тергиин өөредилге чери - 2021" бүгү Россия чергелиг мөөрейге Балгазын суурнуң аграрлыг техникуму лауреат атты чаалап алган.
Ук техникумнуң амгы үениң агымындан чыда калбайн, бурунгаар сайзырап турары каракка көскү.
Кат, тоорук, мөөгү дээн ышкаш үнүштерни чыып, оларны шыгжаарынга белеткеп, дузаарынга-даа, компьютер-биле-даа ажылдаарынга херектиг өөредилге программаларын шын ажылдап кылганы эки түңнелдерге чедиргени бо.
Россияның тергиин өөредилге черлериниң санынче Тывадан бир дугаар кирген техникум бо болуп турар.
Тываның сайзыралынга үлүг-хуузун киирип, ажылдап чоруур башкыларга, бүдүрүлге өөредир талазы-биле харыылап турар мастерлерге, сургуулдарга четтиргенивис илереттивис.
А. ОНДАР белеткээн.
