Тыва Республиканыӊ девискээринге хамаатыларныӊ долу бот-изоляция чурумун киирериниӊ дугайында
«Бойдустуӊ болгаш техногенниг янзылыг онза байдалдардан чурттакчы чонну болгаш девискээрлерни камгалаарыныӊ дугайында» 1994 чылдыӊ декабрь 21-ден №68-ФХ, Федералдыг хоойлуга дүүштүр, Тыва Республиканыӊ девискээринче 2019-nCoV чаа коронавирустуг халдавырлыг аарыгныӊ кирерин болгаш тараарын кичээндирер талазы-биле немелде хемчеглерни хүлээп алыр сорулгалар-биле доктаадырым болза:
- Март 30-ден эгелээш, тускай айтыышкын үнеринге чедир хүлээндирер:
1.1. Пассажирлер аргыштырылгазы болгаш чиик машиналарга багаж сөөртүр талазы-биле хандырылгалар чедирер таварылгалардан аӊгыда, хамаатылар өске кижилерден аразы 1, 5 метр ырак эвес черге туруп, ооӊ иштинде хөй-ниити черлеринге болгаш хөй-ниити транспортунга чорааш, дистанцияны (социалдыг дистанцирование) сагыыр.
1.2. Хамаатыларныӊ (ажылдакчыларныӊ) социалдыг дистанцированиени сагыырын, чогуур девискээрлерде (оларныӊ чоогунда девискээрде) турар зданиелерге тускай демдектер кылырын, албан черлериниӊ оран-савазынга, ооӊ иштинде турар помещениелерже кирери, аӊаа турары тускай чурумнуг болурун Тыва Республиканыӊ күрүне эрге-чагыргазыныӊ органнары, организациялар болгаш хуу сайгарлыкчылар, ол ышкаш чаӊгыс черге хамаатылар-биле кады турар ажыл-чорудулгалыг өске-даа улустар хандырар.
1.3. Хамаатылар дараазында таварылгалардан аӊгы үелерде, чурттап турар черинден (турар) черинден үнүп чоруп болбас:
Дүрген эмчи дузазын хереглеп кыйгыртыр, кижиниӊ амы-тынынга болгаш кадыкшылынга дорт айыыл тыптып келир таварылгаларда үнүп болур;
Ажыл-чорудулгазын (ооӊ иштинде ажылын) кылып күүседир черинче барып чедер таварылгада, ук Чарлыкка дүүштүр ажыл-чорудулгазын доктаатпаан болза, Тыва Республиканыӊ девискээринге чорууру-биле холбашкан ажыл-агыйын күүседир таварылгаларда үнүп чоруп болур;
Бир эвес аай-дедир аргыжып чорууру кылып күүседип турар ажыл-чорудулгазы-биле харылзаалыг болган таварылгада, ук Чарлыкка дүүштүр ажыл-чорудулгазын доктаатпаан болза, (ооӊ иштинде транспорт хандырылгазын, чедирилгелиг хандырылгалар, бок үндүр сөөртүр хандырылгаларны чедирип турар) болза, үнүп чоруп болур;
Барааннарны садып-саарарын, кылыр ажылын, чедирер хандырылгаларын кызыгаарлаваан болза, чоок-кавызында черден садып шиӊгээдип алыр дээн таварылгаларда үнүп болур;
Чоогунда бок төгер черлерже бок үндүр сөөртүрде, үнүп чоруп болур.
Ук пунктуда доктаадып каан кызыгаарлаашкыннар болза, эмчи дузазын чедирер таварылгаларда, эрге-хоойлу камгалаар органнарныӊ, хамааты камгалал болгаш онза байдалдар херектериниӊ талазы-биле органнарныӊ, ол ведомстволарга хамааржыр органнарныӊ, хереглекчилерниӊ эрге-ажыктарын болгаш кижиниӊ чаагай чоруун камгалаар база хандырар адырныӊ хайгаарал талазы-биле органнарныӊ ажыл-чорудулгалары, ажыл-чорудулгазы улустуӊ амы-тынын, кадыкшылын, хамаатыларныӊ эрге-ажыктарын болгаш хосталгаларын камгалаарынче, ооӊ иштинде кем-херектиг чоруктарга удур туржур, хөй-ниити чурумун, өнчү-хөреӊгини камгалаарынче, хөй-ниитиниң айыыл чок чоруун хандырарынче дорт угланган өске-даа органнарныӊ ажыл-чорудулгазынга таравас болур.
1.4. Командировкалап чоруп турарын бадыткаар документилиг таварылгалардан аӊгыда, республиканыӊ иштинде административтиг девискээрлер аразынга хамаатыларныӊ аргыжылгазын кызыгаарлаар.
1.5. Ук Чарлыктыӊ 1.1.-1.4. пунктуларында доктаадып каан кызыгаарлаашкыннарны сагыырынга контрольду Тыва Республиканыӊ Иштики херектер яамызыныӊ, Россияныӊ Тыва Республикада Националдыг гвардияныӊ федералдыг албаныныӊ эргелелинге дагзыр.
- Федералдыг күүсекчи эрге-чагыргалыг органнарыныӊ девискээр органнарынга болгаш Тыва Республиканыӊ девискээринде ол ведомстволарга хамааржыр албан черлеринге, март 30-ден эгелээш, тускай айтыышкын үнеринге чедир,ол органнарныӊ ажылын хандырар, федералдыг күрүне албан-хаакчыларыныӊ санын тодарадырын сүмелээр.
- Тыва Республиканыӊ күүсекчи эрге-чагырга органнарынга болгаш Тыва Республиканыӊ девискээринде турар муниципалдыг тургузугларныӊ тус чер бот-башкарылга органнары, санитар-эпидемиологтуг байдалдарга дүүштүр, март 30-ден эгелээш, тускай айтыышкын үнеринге чедир, ол органнарныӊ ажылын хандырар күрүнениӊ болгаш муниципалитеттиӊ албан-хаакчыларыныӊ санын тодарадыр.
- Массалыг информация чепсектериниӊ бүдүрүлгезин болгаш үндүрүлгезин хандырып турар организациялар март 30-ден эгелээш, тускай айтыышкын үнеринге чедир, ол организацияларныӊ ажылын хандырар ажылдакчыларныӊ санын тодарадыр.
- Долу бот-изоляция чурумун чорудуп турар үезинде, хөй-ниити черлеринге, муниципалдыг тургузугларда автобус доктаамнарынга өйлеп-өйлеп дезинфекция кылырын Республиканыӊ девискээринде турар муниципалдыг тургузугларныӊ тус чер бот-башкарылга органнарынга сүмелээр.
- 2019-nCoV чаа коронавирустуг халдавырлыг аарыгныӊ кирерин болгаш тараарын болдурбас талазы-биле, Тыва Республиканыӊ девискээринде хүлээп алган хемчеглер дугайында чурттакчы чонга медеглеп дыӊнадырын Тыва Республиканыӊ Информатизация болгаш харылзаа яамызы хандырар.
- Ук Чарлыктыӊ хажыт чок күүселдезин Тыва Республиканыӊ күүсекчи эрге-чагырга органнары, Тыва Республиканыӊ муниципалдыг тургузугларныӊ тус чер бот-башкарылга органнары, федералдыг күүсекчи эрге-чагырга органнарыныӊ девискээр органнары хандырар.
- Ук Чарлыкты Тыва Республиканың «Эрге-хоойлу медээлериниң албан ёзузунуң интернет-порталынга» (www.pravo.gov.ru) болгаш «Интернет» информация-телекоммуникация четкизинде албан ёзузунуң сайтызынга чарлаар.
- Ук Чарлык ат салган үезинден эгелээш, күш кирер.
- Ук Чарлыктыӊ күүселдезинге контрольду Тыва Республиканың Чазааның Даргазыныӊ бирги оралакчызы А.В. Брокертке дагзыр.
Тыва Республиканың Баштыңы Ш. Кара-оол.
Кызыл хоорай
2020 чылдыӊ март 30
№70#Шын
