Тываның Чазааның Баштыңының албан-хүлээлгезин күүседип турар Владислав Ховалыг Кызылда 55-ки тускай мото-адыгжы (даг) бригадазының чаа командири Денис Барило-биле ужуражып танышкан.
– Денис Александрович быжыг мөзү-бүдүштүг ёзулуг-ла сибирьжи кижи. Шериг албан-хүлээлгелигниң өг-бүлезинге төрүттүнген болгаш кара чажындан-на шериг чуртталгаже дүлдүнген.
Тывада ол чаа-ла неделя болуп турар, ол хиреде республиканың бир кезек кожууннарынче сургакчылап үнүп чораан база шериг кезээниң амгы үеде чидиг айтырыглары-биле таныш. Казармаларда температура чуруму-биле холбашкан нарын айтырыглар бар. Денис Александрович ону билип алган, ынчап кээрге, ону туюлунга чедир шиитпирлээри чугаажок.
Кады ажылдажылганың планнары четчир болгаш артар, ылаңгыя республиканың девискээринге эртип турар Россия Федерациязының Камгалал сайыдының кубогу дээш спортчу хүрешке бүгү-армейжи маргылдааларының бүдүүзүнде Россияның ат-алдарлыг спортчулары-биле мастер-класстар солун болду. Ындыг идеяларны деткииринге белен мен –деп, Владислав Ховалыг бижип турар.
#55_китускаймото_адыгжыбригада #Камгалаляамызы #Владиславховалыг #Тыва #Тува #Тувамедиагрупп #Тывадыл #Тывамедээ #Tuva #Shyntuva
