Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

100 хуу күүсеттинген

7 декабря 2022
4

«Социал хөмүр» губернатор төлевилели эгезин 2020 чылда салган. Оон бээр-ле чыл санында, хөй ажы-төлдүг, амыдыралы чегей өг-бүлелерге кыш удур одаар хөмүрнү болгаш оттулар ыяшты дүжүрүп бээри чаңчыл апарган. Ол дээрге күрүнениң талазындан ук категорияның өг-бүлелеринге социал деткимче-дир.

ТР-ниң Күш-ажыл болгаш социал политика яамызы «Социал хөмүр» губернатор төлевилелин боттандырары-биле чогуур ажылдарны чорудуп, кожуун, сумуларның чагырга черлериниң киржилгези-биле дузаламчы алыр ужурлуг өг-бүлелерниң даңзызын тургускан.

ТР-ниң Күш-ажыл болгаш социал политика яамызының парлалга албанының медеглээни-биле алырга, республиканың 113 суурундан 3624 өг-бүле бо даңзыда кирген. Оларның 3436-зы күрүнеден дузаламчы кылдыр хөмүр-дашты алган болза, Каа-Хем кожууннуң Эржей, Сизим, Тожунуң Ий, Тоора-Хем, Адыр-Кежиг, Ырбан, Сыстыг-Хем, Чазылары, Тере-Хөлдүң Кунгуртуг дээн ышкаш хөмүр-даш одавас суурларда 188 өг-бүлеге одаар ыяшты чедирип, дүжүрүп берген.

Каа-Хем, Бии-Хем, Тес-Хем, Улуг-Хем, Эрзин, Таңды, Өвүр, Кызыл, Мөңгүн-Тайга, Барыын-Хемчик, Чаа-Хөл, Сүт-Хөл, Бай-Тайга, Чөөн-Хемчик кожууннарда болгаш Кызыл, Ак-Довурак хоорайларның хөй ажы-төлдүг, амыдыралы чегей өг-бүлелери «Социал хөмүр» губернатор төлевилелиниң деткимчезин алган.

Декабрь 6-ның көргүзүү-биле, республикага 3436 өг-бүлеге ниитизи-биле 7370 тонна хөмүр-дашты дүжүрген. Республикада «Социал хөмүр» губернатор төлевилели 100 хуу күүсеттинген дээрзин Күш-ажыл болгаш социал политика яамызы дыңнаткан.

Айдың ОНДАР белеткээн.