Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

2024 чылда республика бюджединиң дугайында хөй-ниитиниң дыңнаашкыннары болуп эрткен

29 ноября 2023
13

Ноябрь 27-де Тыва Республиканың Чазаанга «2024 чылда болгаш 2025 база 2026 чылдарның планныг үе-чадазында республика бюджединиң дугайында» хоойлу төлевилелиниң хөй-ниити номчулгалары болуп эрткен.

Ук номчулгаларга Тыва Республиканың Дээди Хуралының депутаттары, Тыва Республиканың сайыттары, федералдыг болгаш республика чергелиг албан черлериниң база албаннарының, Тыва Республиканың Хөй-ниити палатазының, Тыва Республиканың кожууннарының болгаш хоорайларының эрге-чагыргаларының төлээлекчи болгаш күүсекчи органнарының, а ол ышкаш хөй-ниити организацияларының төлээлери киришкен.

Дээди Хуралдың бюджет, үндүрүглер, экономика болгаш сайгарлыкчы чорук талазы-биле комитединиң даргазы Алдын-кыс Коңгар дыңнаашкыннарның таарыкчызы болган. Ынчалзажок ук ажыл-хемчегни Тыва Республиканың Дээди Хуралының Даргазы Каң-оол Даваа ажыткан. Республиканың кол саң-хөө документизин амыр эвес геополитиктиг болгаш экономиктиг байдалдарда ажылдап кылган дээрзин ол демдеглээн. Түңнелинде, республика бюджединиң төлевилелинде бо үеге чогумчалыг шиитпирлерни сырып каттыштырган. РФ-тиң Президентизи В.В. Путинниң тодаратканы социал хүлээлгелерни болгаш национал төлевилелдерни ук документ магадылап турар.

Бюджеттиң бүгү чарыгдалдарының 89 хуузу тодаргай 35 программаның иштинге эртер дээрзин айтып каары чугула. Социал адырның болгаш республиканың экономиктиг хөгжүлдезинче угланган чарыгдалдар мурнады көөр чүүлдер болуп хевээр артар.

Тыва Республиканың Баштыңының өмүнээзинден хөй-ниити дыңнаашкыннарының киржикчилеринге Тыва Республиканың Чазааның оралакчы даргазы Олег Лукин байыр чедирген. 2024 чылда болгаш 2025 база 2026 чылдарның планныг үе-чадазында Тыва Республиканың социал-экономиктиг хөгжүлдезиниң дугайында баш бурунгааргы көргүзүглериниң дугайында Тыва Республиканың экономиктиг хөгжүлде болгаш үлетпүр сайыды Айдыс Сат илеткээн.

Тыва Республиканың саң-хөө сайыды Орлан Достай чыылганнарны хоойлунуң төлевилели-биле допчу таныштырган. Бодунуң ээлчээнде ол 2024 чылда республика бюджединиң орулгалыг кезээ 56 млрд 139 сая, а чарыгдалдары 56 млрд 567 сая рубль түңге баш удур көрдүнген деп чугаалаан. Чедишпес акша-хөреңгиниң түңү – 428 сая рубль.

Тыва Республиканың Саналга палатазының ук хоойлу төлевилелинге берген түңнелин Тыва Республиканың Саналга палатазының даргазының албан-хүлээлгелерин түр үеде күүседип турар Шончалай Эренчин таныштырган.

Дыңнаашкыннарга Россия Федерациязының сенатору Дина Оюн, Тыва Республиканың Баштыңының чанында хамааты эгелээшкиннерни деткиириниң талазы-биле чөвүлелдиң даргазы Хонук-оол Монгуш, парламентижи комитеттерниң даргалары Эрес Хуурак, Юрий Ооржак, Аяна Монгуш, Дээди Хуралдың депутады Вера Левина, Тыва Республиканың профэвилелдериниң даргазы Галина Сюрюн, Орус географтыг ниитилелдиң Тывада салбырының даргазы Кара-кыс Донгак, ИХЯ-ның Хоочуннар эвилелиниң даргазы Марат-оол Ондар, эртемнер доктору Ульяна Бичелдей болгаш Тываның эвээш санныг чоннарының өмүнээзинден Экер-оол Манчын олар сөс ап, айтырыгларын салганнар. Хөй-ниити дыңнаашкыннарының үезинде дыңналган саналдарны болгаш айтырыгларны ТР-ниң Дээди Хуралының бюджет, үндүрүглер, экономика болгаш сайгарлыкчы чорук талазы-биле комитетке сайгарып көөр болгаш Хөй-ниити дыңнаашкыннарының сүмелериниң төлевилелинче киирер.
Республика бюджединиң төлевилелиниң бирги номчулгазы дүүн, ноябрь 28-те, ТР-ниң Дээди Хуралының ээлчеглиг хуралынга эрткен.

А. ХЕРТЕК белеткээн.

Чуруктарны Дээди Хуралдың сайтызындан алган.


“Шын” №91 2023 чылдың ноябрь 29