Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

30 доозукчу көдээ ажыл-агый адырынга ажылдаар

7 июля 2024
3

Таңды кожууннуң Балгазын суурда Тываның агроүлетпүр техникумунга "Профессионалитет" федералдыг төлевилел программазы-биле өөредилгезин дооскан сургуулдар дипломнарын алган. Федералдыг төлевилелдиң киржикчилери практиктиг-тускай угланыышкынныг программа-биле чыл дургузунда өөренгеш, түңнел ажылдарын чедиишкинниг камгалап, шылгалдаларын дужааган.

22 доозукчу көдээ ажыл-агыйының, 24 кижи – арга-арыг ажыл-агыйының, 15 кижи үнүш ажыл-агыйының мастерлери мергежилдерни шиңгээткен. Сургуулдарның аразында кадыкшыл байдалы кызыгаарлыг улус база бар.

30 хире оолдар, уруглар төлевилел боттандырылгазының партнерлары – Михаил Санниковтуң тараачын арат ажыл-агыйында, “Идегелдиң чери” база “Чаа орук” көдээ кооперативтерде, Балгазынның арга-арыг ажыл-агыйында, Балгазынның арга-арыг албан черинде, Тес-Хемниң арга-арыг ажыл-агыйында, "Вавиол" КХН-де ажылда тургустунган деп, ТР-ниң өөредилге сайыды Е. Хардикова дыңнаткан. А арткан доозукчулар дээди өөредилге черлеринче дужаап кирер сорулгалыг. Сургуулдар өөредилге үезинде ол бүдүрүлгелерниң баазазынга өөренип турган болгаш, ажылдың технологиялары-биле таныш деп, сайыт демдеглээн.

"Профессионалитет" төлевилелдиң бирги сургуулдарын доостурганы-биле башкыларга, бүдүрүлге өөредилгезиниң мастерлеринге, кураторларга байыр чедирип тур мен! Доозукчуларга чедиишкиннерни болгаш моон-даа соңгаар профессионал хөгжүлдени күзедим!" – деп, техникумнуң директору Ольга Баркова оларның өөрүшкүзүн үлешкен.

"Профессионалитет" программа-биле 1 чыл өөренир дээш, 2023 чылдың сентябрь 1-де 490 кижи дужаап кирген. Ооң санында 215 кижи техникумнуң баазазынче. Бо чылын Тываның агроүлетпүр техникумунда «Профессионалитет» программазы-биле өөренип турар 215 сургуулдуң 61-и бир чылдың программазы-биле бо чылын өөредилгезин дооскан, артканнары келир чылда.

Республиканың көдээ ажыл-агый кластериниң хөгжүлдезинге тускай мергежилдиглерни белеткээри-биле чергелештир, 2025 чылда “дагжы” база “тудуг” кластеринге өөредилгени эгелээрин Тываның Өөредилге яамызы дыңнаткан. 2025 чылдан эгелеп «Профессионалитет» төлевилел программазы-биле төлевилелдиң кады күүседикчилери база эдеринчи техникумнар шупту үш кластерге 1,5 муң ажыг кижини өөредир.

А. МОНГУШ.

Чурукту интернеттен алган.


“Шын” №50 2024 чылдың июль 6