Кызылдың, Ак-Довурактың, Шагаан-Арыгның болгаш Хову-Аксының ниитизи-биле 158 муң дөрбелчин метр шөлдүг хөй аал чурттаар бажыңнарын бо чылдың төнчүзүнге чедир септээр.
Хөй аал чурттаар бажыңнарның септелгезин элээн каш угланыышкынныг чорудар деп турар:
- бажың иштиниң инженер системаларының капитал септелгези;
дээвиирниң капитал септелгези;
- лифтилер солууру;
- электри хандырылгазы системаның капитал септелгези;
- тавааның капитал септелгези;
- подъездилерже кирер эжиктерниң капитал септелгези;
- чылыдылга системаларының белдирлериниң капитал септелгези.
Кызыл хоорайның Кочетов кудумчузунда 3 болгаш 62 дугаарлыг хөй аал чурттаар бажыңнарында үндезин септелге сезону эгелей берген. Май айда одалга сезону төнерге, чылыдылга хандырылгазының капитал септелгези эгелээр.
Тываның капитал септелге фондузунуң сан-медээзинден алырга, 2014 чылдан тура 2043 чылга чедир «Хөй аал чурттаар бажыңнарның ниити эт-хөреңгизиниң капитал септелгези” деп регион программазының боттанылгазының дургузунда Тыва Республиканың девискээринде турар 482 хөй аал чурттаар бажыңнарның капитал септелгезин чорудар, 2023 чылда оларның 343-үн септээн.
ТР-ниң Чазааның медээлеринден А. ХЕРТЕК белеткээн.
“Шын” №27 2024 чылдың апрель 10
482 хөй аал чурттаар бажыңнарга септелгелер чорудар
12 апреля 2024
5